2023-09-20 16:36:24, 627 ნახვა

---

სააკაშვილი - ზელენსკი გაეროს ტრიბუნიდან საქართველოს იმაზე ბევრად მეტად იცავს, ვიდრე საქართველოს ე.წ. პრემიერი

ზელენსკი გაეროს ტრიბუნიდან საქართველოს იმაზე ბევრად მეტად იცავს, ვიდრე საქართველოს ე.წ. პრემიერი,- ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.

სააკაშვილის თქმით, უკრაინაზე თითოეული თავდასხმა, საქართველოს დამოუკიდებლობაზე თავდასხმაა.

“ქართული ოცნების“ მხრიდან პრეზიდენტ ზელენსკის ამდენი ლანძღვისა და მასზე პიროვნული შეტევების მიუხედავად, ის გაეროს ტრიბუნიდან საქართველოს იმაზე ბევრად მეტად იცავს, ვიდრე საქართველოს ე.წ. „პრემიერ-მინისტრი“. ისევ მან ისაუბრა საქართველოში რუსეთის შემოჭრაზე.

უკრაინაზე თითოეული თავდასხმა საქართველოზე, მის საზოგადოებაზე, საქართველოს დამოუკიდებლობაზე თავდასხმაა",- წერს სააკაშვილი.

ცნობისთვის, უკრაინის პრეზიდენტმა, ვოლოდიმირ ზელენსკიმ  გაეროს გენერალურ ასამბლეაზე სიტყვით გამოსვლისას განაცხადა, რომ ყოველ ათწლეულში რუსეთი ახალ ომს იწყებს, მოლდოვისა და საქართველოს ნაწილი კი, კვლავ ოკუპირებულია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი