ზემო ლარსზე ბუფერულ ზონაში მყოფი უკრაინის მოქალაქეების შესახებ შეტყობინებას საქართველოს საგარეო საქმეთა სამინისტრო გამოეხმაურა. საგარეო საქმეთა სამინისტრო აცხადებს, რომ მომხდარის შესახებ აცნობა უკრაინის საქმეთა დროებით რწმუნებულს საქართველოში ალექსანდრე შულგას.

„უკრაინის დროებითმა წარმომადგენელმა მადლობა გადაუხადა ქართულ მხარეს მოწოდებული ინფორმაციისა და თანამშრომლობისთვის. მისი თქმით, საქართველოს საზღვართან მყოფი პირები, რომლებმაც სასჯელი თავისუფლების აღკვეთის ადგილებში მოიხადეს, აქვთ უკრაინის შიდა პასპორტები, მაგრამ მათ იდენტიფიცირება და ნებართვა უკრაინის შესაბამისი ორგანოებიდან სჭირდებათ, რაც დამატებით დროს მოითხოვს. . როგორც დიპლომატმა აღნიშნა, ამ ფაქტს აცნობებს დედაქალაქს და დაელოდება მათ მითითებებს“, - ნათქვამია საგარეო საქმეთა სამინისტროს განცხადებაში.

შეგახსენებთ, რომ 16-17 აგვისტოს ღამეს ქართველმა მესაზღვრეებმა ექვსი უკრაინელი არ შეუშვეს საქართველოში, თუმცა ყველა მათგანი ტრანზიტს გეგმავდა საქართველოს გავლით. ექვსიდან ხუთი ყოფილი პატიმარია ხერსონის ოლქიდან, რომლებიც რუსეთის უსაფრთხოების ძალებმა უკანდახევის დროს რუსეთში წაიყვანეს სასჯელის მოსახდილად. და კიდევ ერთი უკრაინელი, რომელიც რუსეთში შევიდა და ფილტრაციის ბანაკში აღმოჩნდა, ახლა კი გაათავისუფლეს და ქვეყნის დატოვებას ცდილობს.

სანამ უფლებადამცველები იბრძვიან, ცდილობენ უკრაინელების საკითხის გადაჭრას, რუსული უშიშროების ძალები მათ წაყვანას ცდილობენ, იუწყება Novaya Gazeta Europe.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა