2023-08-11 15:38:15, 1363 ნახვა
სამართალი
ბათუმში, კრუიზის საწინააღმდეგო აქციაზე დაკავებულებს ჯარიმები დაეკისრათ
ბათუმის საქალაქო სასამართლომ, რუსეთის მოქალაქეების კრუიზის წინააღმდეგ, ბათუმში, 31 ივლისის აქციაზე დაკავებული პირების საქმე განიხილა.
მოსამართლე ალექსანდრე გოგუაძემ ყველა მათგანი 166-173-ე მუხლებით გათვალისწინებული ქმედების ჩადენის გამო სამართალდამრღვევად ცნო და განუსაზღვრა ჯარიმა 2000 ლარის ოდენობით.
დაკავებულთა შორის მხოლოდ ერთ პიროვნებაზე შეწყდა საქმის წარმოება და ყველაზე დიდი, 3 500-ლარიანი ჯარიმა ბექა გრიგორიადისს დაეკისრა.
შეგახსენებთ, სოჭიდან გამოსული საკრუიზო ლაინერი ASTORIA GRANDE ბათუმის პორტში ორჯერ - 27 და 31 ივლისს შევიდა. ორივე შემთხვევაში, გემმა ნავსადგური საქართველოს ჰიმნისა და საპროტესტო შეძახილების ფონზე, დროზე ადრე დატოვა.
ავტორი: ექსპრესნიუსი,
epn.ge (@expressnews.ge)
