რუსმა ოკუპანტებმა ხერსონის ოლქის დროებით ოკუპირებული ნაწილიდან რუსეთში კიდევ 100 ბავშვი გაიტაცეს. აღნიშნულის შესახებ ინფორმაციას უკრაინის ეროვნული წინააღმდეგობის ცენტრი ავრცელებს.

მათი ცნობით, ოკუპანტებმა ბავშვები ე.წ ბანაკებში "კულტურულ და საგანმანათლებლო აქტივობებში" მონაწილეობის მისაღებად გაგზავნეს.

"რუსეთის საოკუპაციო ჯარები აგრძელებენ უკრაინელი ბავშვების ასიმილაციის პოლიტიკას დროებით ოკუპირებულ ტერიტორიებზე.

კალანჩაკიდან დამპყრობლებმა 100-მდე უკრაინელი ბავშვი გაგზავნეს სარანსკის სანატორიუმში „კულტურული და საგანმანათლებლო ღონისძიებების“ ჩასატარებლად. იქ ბავშვებს წაუკითხავენ ლექციებს და ასწავლიან ფსევდოისტორიას",- აღნიშნულია ეროვნული წინააღმდეგობის ცენტრის განცხადებაში.

ავტორი: ექსპრესნიუსი,

სოციალური ქსელები

ტუაფსეში ცეცხლმოკიდებული ნავთობტერმინალიდან ტოქსიკურმა ღრუბელმა ანაპამდე მიაღწია

თავისუფლების მოედანი EU-ის ელჩზე: დემოკრატიის დაცვა პარტნიორობაა და არა ჩარევა

პუტინმა ბრძანა, რომ რუსებს ინტერნეტზე წვდომა „თეთრი სიების“ საფუძველზე ჰქონდეთ

მიხეილ სააკაშვილი: არსაიდან გასვლას და არანაირ დემარშს არ ვაპირებ