რომ არა ბუქარესტის სამიტი და აშშ-სთან ჩვენი დიდი მეგობრობა, 20% დღეს დაკარგული არ იქნებოდა,- ამის შესახებ „ევროპული სოციალისტების" დეპუტატმა, ფრიდონ ინჯიამ პარლამენტის რიგგარეშე სესიის პლენარულ სხდომაზე განაცხადა.

როგორც ინჯიამ სიტყვით გამოსვლისას აღნიშნა, სანამ საქართველო ჩრდილოატლანტიკურ ალიანსში წევრობის საკითხს გააქტიურებს, საზოგადოება უნდა დაფიქრდეს - "უღირს თუ არა ეს ძირძველი კუთხეების დაკარგვად".

"დღეს იკრიბებიან ვილნიუსში, მაგრამ ამერიკის შეერთებული შტატების პრეზიდენტმა უკვე განაცხადა, რომ მანამ, სანამ უკრაინა არ გაიმარჯვებს რუსეთზე, უკრაინაის ნატოში მიღებაზე საუბარი არ არის და დაუშვებელია ეს. ახლა წარმოვიდგინოთ, რომ გაგვეხსნა მეორე ფრონტი, გამოვიდოდა იგივე - მანამ,  სანამ საქართველო რუსეთზე არ გაიმარჯვებს, მანამ საქართველოსა და უკრაინის ნატოში გაწევრიანება არ იქნებოდა. ეს უკვე ნათლად ჩანს. ამიტომ, ჩვენ სანამ გავააქტიურებთ ამას, დავფიქრდეთ - გვიღირს ეს ძირძველი კუთხეების დაკარგვად, ქვეყნის დანგრევად ისე, როგორც ინგრევა სოფლები და ქალაქები უკრაინაში",- თქვა ინჯიამ.

შეგახსენებთ,  11-12 ივლისს ლიეტუვის დედაქალაქ ვილნიუსში ნატოს სამიტი იმართება.

საქართველოს სამიტზე საგარეო საქმეთა მინისტრი ილია დარჩიაშვილი წარმოადგენს.

ავტორი: ექსპრესნიუსი,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო