შენ არ შეიძლება იყო ქვეყანა, რომელსაც აქვს მისწრაფება რომ გახდეს ევროკავშირის წევრი და ყოველ მეორე დღეს ხან ევროკავშირის ელჩს ლანძღავდე და ხან ჩვენს პარტნიორებს აბრალებდე, რომ მათ უნდათ ომი, - ამის შესახებ საქართველოს პრეზიდენტმა, სალომე ზურაბიშვილმა მედიის წარმომადგენლებთან შეხვედრაზე განაცხადა.

როგორც ზურაბიშვილმა აღნიშნა, იმისთვის, რომ ქვეყანაში სიტუაცია დაბალანსდეს და არ იყოს ერთი ჯგუფის მართველობა, საჭიროა პარლამენტის, მედიისა და ყველა ინსტიტუტის გაძლიერება.

"მეორე გამოწვევა არის მთავრობის, უმრავლესობის, არ ვიცი ბატონი ივანიშვილისგან მოსული გზავნილების თუ არა, მაგრამ ამ რიტორიკის, რომელიც არის სრულიად მიუღებელი. შენ არ შეიძლება იყო ქვეყანა, რომელსაც აქვს მისწრაფება რომ გახდეს ევროკავშირის წევრი და ყოველ მეორე დღეს ხან ევროკავშირის ელჩს ლანძღავდე, როცა ის ტოვებს ქვეყანას, რაც ასევე ჩვენს ზრდილობასთან და სტუმართმოყვარეობასთან არაფერ კავშირშია და ყოველდღიურად აკრიტიკებდე ხან ევროპარლამენტარებს, ხან თვითონ ჩვენს პარტნიორებს, ხან მათ აბრალებდე, რომ მათ უნდათ ომი, რომ ისინი არიან ომის პარტია. ევროკავშირი იმისთვის შეიქმნა, რომ ომი კონტინენტზე აღარა ყოფილიყო იმ ევროპულ ქვეყნებს შორის და მართლაც შეძლო ეს...

მთავარი ბალანსი ამ ერთპიროვნული თუ ერთი ჯგუფის, თუ ერთი პარტიის გავლენის, თუ მთავრობის პრემიერი მართავს, ამას ნაკლები მნიშვნელობა აქვს, მნიშვნელობა აქვს იმას, რომ ინსტიტუტების გაძლიერება ხდებოდეს... ამიტომ უნდა გააძლიერო ინსტიტუტები, ეს უნდა იყოს ჩვენი საერთო ბრძოლა, პარლამენტში, მედია... ყველა ეს ინსტიტუტები არის ჩვენი ქვეყნის მთავარი დაცვა", - განაცხადა ზურაბიშვილმა.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს