რთულია შეფასება, რა მოხდა გუშინ. წინასწარ განზრახული იყო, დაგეგმილი იყო, თუ შემთხვევითობა იყო,- ასე ეხმაურება თბილისის მერი კახა კალაძე რუსეთის ფედრაციაში განვითარებულ მოვლენებს.

კალაძის თქმით,  ბევრი არასწორი მოსაზრება გავრცელდა. 

„ძალიან რთულია შეფასება, რა იხარშებოდა გუშინ კრემლში. ამიტომ, ჩვენ ძალიან ბევრი სასაცილო და უაზრო შეფასება მოვისმინეთ პოლიტიკოსებისა და კონკრეტული ე.წ. ექსპერტების მხრიდან. რთულია შეფასება, რა მოხდა გუშინ. წინასწარ განზრახული იყო, დაგეგმილი იყო, თუ შემთხვევითობა იყო“, - განაცხადა კახა კალაძემ. 

დედაქალაქის მერის თქმით, ამ პროცესის პარალელურად საქართველოში კეთდებოდა ქვეყნის ინტერესის საწინააღმდეგო განცხადებები. 

„განცხადებები, რაც კეთდებოდა მთელი დღის განმავლობაში - ეს ყველაფერი მიმართულია ჩვენი ქვეყნის წინააღმდეგ - ეს დამოკიდებულება, ეს მოწოდებები. ეს ადამიანები მიზანმიმართულად აკეთებენ ამას, შეცდომებს უშვებენ - მე გამიჭირდება ამაზე საუბარი. თითოეულმა პოლიტიკოსმა, პოლიტიკურმა პარტიამ და ზოგადად, ქვეყანაში მცხოვრებმა ადამიანმა უნდა იზრუნოს ქვეყანაზე, ქვეყნის ინტერესებზე. დამაზიანებელია ის დამოკიდებულება, რაც თუნდაც გუშინ ვიხილეთ. რა სტატუსებს წერდნენ, რა მოწოდებები იყო, ზოგი დაპირისპირებისკენ მოუწოდებდა, რომ თურმე ახლა იყო შანსი, რომ ხელისუფლება ჩამოემხოთ, ვიღაც ომისკენ მოგვიწოდებდა,  ეს არ არის სახელმწიფოებრივი მიდგომა და დამოკიდებულება, ეს არის მტრის წისქვილზე წყლის დასხმა და ქვეყნის წინააღმდეგ გაკეთებული განცხადებები“, - აღნიშნა კახა კალაძემ. 

ავტორი: ექსპრესნიუსი,

სოციალური ქსელები

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ

პეტერ მადიარი უნგრეთის პრემიერი ოფიციალურად გახდა

ლევან ხაბეიშვილზე ძალადობაში ბრალდებულმა სპეცრაზმელებმა ბრალი აღიარეს, მათ პატიმრობა შეუფარდეს

კრიპტო უკვე თიბისის მობაილბანკშია