თბილისში, "ლელო საქართველოსთვის" ორგანიზებით, აქცია-პერფორმანსი მიმდინარეობს. აქციის ფარგლებში, პარტიის წარმომადგენლები და მოქალაქეები საქართვეელოსა და ევროკავშირის დროშებით რუსთაველის გამზირზე მსვლელობას მართავენ.

"ლელო საქართველოსთვის" ლიდერის, მამუკა ხაზარაძის თქმით, მსვლელობა გამოხატავს იმ ხალხის სურვილს, რომელიც ირჩევს ევროპას და არ სურს რუსეთში ცხოვრება.

"მინდა ვუსურვო საქართველოს ნამდვილი დამოუკიდებლობისა და თავისუფლების მოპოვება და ეს მოხდება მაშინ, როდესაც კოლაბორაციონისტი ხელისუფლება აღარ იქნება ამ ქვეყანაში; როცა საოკუპაციო ჯარები გავლენ ჩვენი ქვეყნიდან. დღევანდელი მსვლელობა ეძღვნება ერთ რამეს - ჩვენი მოქალაქეების უმრავლესობის სურვილის გამოხატვას, რომ ამ ქვეყანას არასდროს არ დავუთმობთ რუსეთის იმპერიას... ამ მთავრობას არ მივცემთ უფლებას, რომ ჩვენი წინაპრების ბრძოლა, შრომა, სისხლი ერთი ხელის მოსმით გადაშალონ დ ზურგი შეაქციონ იმ პერსპექტივას, რომელიც კარზე გვაქვს მომდგარი",- განაცხადა მამუკა ხაზარაძემ "მთავარ არხთან" საუბრისას.

შეგახსენებთ, რომ გასული წლისგან განსხვავებით წელს საქართველოს პარლამენტის შენობაზე 26 მაისის ღონისძიების გასაფორმებლად ევროკავშირის დროშა არ გამოიყენეს.

მთავრობის ადმინისტრაციის წარმომადგენელის, თათა სვანიძის განმარტებით, წელს დამოუკიდებლობის აღნიშვნის თემატიკა, „თავისუფლება და თავისუფლების სიყვარულია“, შესაბამისად 26 მაისი ეროვნული სიმბოლიკით აღინიშნება.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება