საჭიროა, ნაკლები ფიქრი გაჟონილ დოკუმენტებზე და მეტი შორი მოქმედების იარაღზე,- ამის შესახებ უკრაინის პრეზიდენტის ადმინისტრაციის ხელმძღვანელის მრჩევლი მიხაილო პოდოლიაკი სოციალურ ქსელში წერს.

მისი თქმით, უკრაინას, რომ დრო ჰქონოდა, შეეძლო ეყურებინა რუსეთის ფედერაციის დაშლისთვის და იმისთვის, თუ "როგორ ჭამენ ერთმანეთს მათი ელიტები".

"დრო რომ გვქონდეს, ჩვენ შეგვიძლია ვუყუროთ რუსეთის ფედერაციის დაშლას და იმას, თუ როგორ ჭამენ ერთმანეთს მათი "ელიტები". მაგრამ ეს დრო არ გვაქვს, რადგან ჩვენი ხალხი იღუპება. საჭიროა, ნაკლები ფიქრი გაჟონილ დოკუმენტებზე და მეტი შორი მოქმედების იარაღზე, რათა ომი სწორად დასრულდეს და რუსეთის ფედერაციამ გააცნობიეროს რეალობა",- წერს პოდოლიაკი.

შეგახსენებთ, რომ 6 აპრილს, პენტაგონის საიდუმლო დოკუმენტები Twitter-სა და Telegram-ზე გავრცელდა, სადაც ოფიციალური პირების განცხადებით, განხილულია თემების ფართო სპექტრი, რომლებიც ეხება ომს უკრაინაში, ჩინეთს, ახლო აღმოსავლეთსა და აფრიკას. ამასთან, ერთ-ერთ დოკუმენტში, რომელიც დათარიღებულია 23 თებერვლით, დეტალურად არის აღწერილი, თუ როგორ ამოიწურება უკრაინის S-300 ტიპის საჰაერო თავდაცვის სისტემების მარაგი გამოყენების ამჟამინდელი ტემპით 2 მაისამდე.

აშშ-ის იუსტიციის დეპარტამენტმა პენტაგონის დოკუმენტების შესაძლო გავრცელების ფაქტზე გამოძიება 9 აპრილს დაიწყო.

ავტორი: ექსპრესნიუსი,

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა