მე ყველანაირად ვცდილობ, რომ საქართველოს ევროსტრუქტურებში გაწევრიანებას მხარი დავუჭირო, მაგრამ საკმაოდ პესიმისტურად ვარ განწყობილი, - ამის შესახებ ევროპარლამენტარმა, ანა ფოტიგამ განაცხადა.

ფოტიგა ასევე გამოეხმაურა მოსამართლეების დასანქცირების თემას და განაცხადა, რომ ოპტიმისტურად არის განწყობილი, რომ აშშ-ის სახელმწიფო დეპარტამენტის ინიციატივა ევროკავშირშიც გაიზიარონ.

"მე ყველანაირად ვცდილობ, რომ საქართველოს ევროსტრუქტურებში გაწევრიანებას მხარი დავუჭირო, მაგრამ საკმაოდ პესიმისტურად ვარ განწყობილი. ახლა ყველაფერი დამოკიდებულია რუსეთის ომზე უკრაინაში. ჩვენ მხარი უნდა დავუჭიროთ უკრაინას და დარწმუნებული ვარ, რომ რუსეთის დასუსტება სრულიად შეცვლის ბალანსს მთელ რეგიონში.

ჩვენ ყველაფერს ვაკეთებთ, რაც ჩვენს ძალებშია. მე ევროპარლამენტში ვმუშაობ და გვინდა ასევე წამოვაყენოთ მიხეილ სააკაშვილის მიმართ არასათანადო მოპყრობა პატიმრობის დროს. რეზოლუცია, რომელიც მას ეხებოდა, დიდი უმრავლესობით იქნა მიღებული ევროპარლამენტში. ამას მოჰყვა ძალიან მაღალი რანგის დიპლომატიური ნოტა საქართველოს ხელისუფლებისადმი, იმიტომ რომ ის წარდგენილ იქნა ევროკავშირის ელჩის მიერ, ისევე როგორც ევროკავშირის თავმჯდომარეობის მიერ.

რაც შეეხება მოსამართლეების დასანქცირებას, აშშ-სგან განსხვავებით ევროკავშირი არ არის ერთი ქვეყანა და ერთი მთავრობა. ამიტომ, მსგავსი გადაწყვეტილება მოითხოვს რამდენიმე ქვეყნის ერთსულოვნებას, რაც ოდნავ უფრო რთული მისაღწევია. მიუხედავად ამისა, მე ოპტიმისტურად ვარ განწყობილი და დარწმუნებული ვარ, რომ ევროკავშირსაც ექნება ანალოგიური რეაგირება", - განაცხადა ფოტიგამ.

შეგახსენებთ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას. 

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას