რუსეთი უკრაინის ოკუპირებულ ტერიტორიაზე რელიგიურ წმენდას ახორციელებს,- აღნიშნულის შესახებ ინფორმაციას ომის შესწავლის ამერიკული ინსტიტუტი (ISW) ავრცელებს.

ანალიტიკოსების თქმით, შემოჭრის დაწყებიდან დღემდე, დამპყრობლებმა რელიგიური დევნის, სულ მცირე, 76 აქტი ჩაიდინეს.

ოკუპანტებმა დახურეს, ნაციონალიზაცია მოახდინეს ან იძულებით გადააკეთეს კრემლის მიერ კონტროლირებადი მოსკოვის საპატრიარქოს მართლმადიდებელი ეკლესია, მოკლეს ან ტყვედ აიყვანეს, სულ მცირე, 29 სასულიერო პირი, გაძარცვეს, შეურაცხყვეს ან განზრახ გაანადგურეს მინიმუმ 13 სალოცავი ადგილი.

„აღნიშნული რელიგიური რეპრესიები, არ წარმოადგენს ერთეულ შემთხვევებს, არამედ მიზანმიმართულია უკრაინაში „არასასურველი“ რელიგიური ორგანიზაციების სისტემატური მოსპობისა და მოსკოვის საპატრიარქოს პოპულარიზაციის მიზნით“,- განაცხადეს ანალიტიკოსებმა.

მათივე ცნობით, დამპყრობლების მთავარი ყურადღება გამახვილებულია უკრაინის მართლმადიდებელი ეკლესიის დევნაზე, მაგრამ ეს ასევე მიდის სხვა რელიგიური მოძრაობების მიმართაც, რომლებიც კრემლისთვის მიუღებელია. 

"რუსები დევნიან ბაპტისტებს, ორმოცდაათიანელებს, ჰარე კრიშნასებს, მეშვიდე დღის ადვენტისტებს, იეჰოვას მოწმეებს, კათოლიკეებს, პრესვიტერიანებს, მეთოდისტებს, ლუთერანებს და ზოგიერთ მუსულმანურ მოძრაობასაც კი",- აღნიშნულია ანგარიშში. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა