ქალბატონო სალომე, თქვენ ერთ-ერთ ბრალდებულს გადაუხადეთ მადლობა. მე მაინტერესებს, თუ დადასტურდა, რომ ლაზარე გრიგორიადისმა ბენზინი გადაასხა და ცეცხლი წაუკიდა ადამიანს, მადლობას გადაუხდით თუ არა?,- ასე მიმართა პარლამენტის თავმჯდომარე შალვა პაპუაშვილმა პლენარულ სხდომაზე "ლელოს" დეპუტატს, სალომე სამადაშვილს 

პაპუაშვილის თქმით, "მთელი ფარისევლობა" იმაშია, რომ სალომე სამადაშვილი ამ კითხვას არ პასუხობს.

"​ქალბატონო სალომე, თქვენ ახლა გამოსვლაში, ერთ-ერთ ბრალდებულს გადაუხადეთ მადლობა. მე მაინტერესებს, თუ დადასტურდა, რომ ამ ადამიანმა ბენზინი გადაასხა და ცეცხლი წაუკიდა სხვა ადამიანს, მადლობას გადაუხდით, თუ არა? არა, მითხარით, კი თუ არა.

არ გაქვთ ამაზე პასუხი? კითხვის არსი ხომ გესმით? შეგიძლიათ გაიგოთ კითხვა? ანუ, არ პასუხობთ ამ კითხვას. მე მგონი, მთელი თქვენი ფარისევლობა ამაში არის, რომ არ პასუხობთ კითხვას მაინც. მე ასე გავიგე, რომ თუ დადასტურდა, რომ ბენზინი გადაასხა და ცეცხლი წაუკიდა სხვა ადამიანს, თქვენ მაინც მადლობას გადაუხდით, ასე გავიგე. ამას გულისხმობთ, ხომ? გასაგებია თქვენი დამოკიდებულება, გასაგებია",- განაცხადა პაპუაშვილმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის