უკრაინის პრეზიდენტის ეკონომიკურმა მრჩეველმა ალექსანდრე როდნიანსკიმ განუცხადა CNN-ს, რომ უკრაინული საჰაერო თავდაცვის სისტემები „საკმარისად კარგი“ არ არის რუსეთის  ჰიპერბგერით რაკეტა "კინჯალთან" გამკლავებისთვის.

"ისინი იყენებენ ჰიპერსონიულ რაკეტებს. ისინი იყენებენ იარაღების ახალ ტიპებს, ამოწმებენ, როგორ უმკლავდება მათ ჩვენი საჰაერო თავდაცვის სისტემები. სისტემები საკმარისად კარგად არ მუშაობს", - დასძინა ზელენსკის მრჩეველმა.

ევროკომისიის პრეზიდენტმა ურსულა ფონ დერ ლაიენმა ხუთშაბათს ღამით უკრაინის დაბომბვას რუსეთისთვის სამხედრო დანაშაული უწოდა.

"დღეს ველაპარაკე ვოლოდიმირ ზელენსკის უკრაინაზე წუხელ განურჩეველი სარაკეტო დარტყმის შემდეგ. რუსეთის განზრახ დარტყმა მშვიდობიანი მოსახლეობის და ენერგეტიკულ ქსელზე არის ომის დანაშაული. ეს აძლიერებს ჩვენს საერთო ვალდებულებას, გავაგრძელოთ წინსვლა უკრაინის რეფორმებისკენ მის ევროპულ გზაზე", - დაწერა მან Twitter-ზე. .

რუსულმა რაკეტებმა და უპილოტო თვითმფრინავებმა, რომლებიც უკრაინის საჰაერო თავდაცვის ძალებმა ვერ ჩამოაგდეს ხუთშაბათს ღამით, სხვადასხვა რეგიონის ინფრასტრუქტურას მოხვდა და სულ მცირე ცხრა ადამიანი დაიღუპა.

უკრაინის გენერალურმა შტაბმა მანამდე იტყობინება, რომ რუსეთის ჯარებმა უკრაინაში დღის განმავლობაში 84 რაკეტა გაისროლეს. განადგურდა 34 რაკეტა, კიდევ 8-მა ვერ მიაღწია მიზანს.

ავტორი: ექსპრესნიუსი,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს