საქართველოს მესამე პრეზიდენტის, მიხეილ სააკაშვილის საქმეზე თბილისის საქალაქო სასამართლოს გადაწყვეტილებას სააპელაციო სასამართლოში ასაჩივრებენ. ექსპრეზიდენტის უფლებამდამცველმა, შალვა ხაჭაპურიძემ მეორე ინსტანციის სასამართლოში სარჩელი უკვე შეიტანა. 

ხაჭაპურიძის განცხადებით, დაცვის მხარე სააპელაციოს ახალ მტკიცებულებებს წარუდგენს.

"დღეს ვასაჩივრებთ პირველი ინსტანციის სასამართლოს გადაწყვეტილებას მიხეილ სააკაშვილის საქმესთან დაკავშირებით, ვინაიდან გადაწყვეტილება გახლავთ უკანონო, დაუსაბუთებელი. თბილისის სააპელაციო სასამართლოში იქნება წარდგენილი ვიდეოდისკები, რომლებიც გამოქვეყნდა და გვაქვს უკვე ხელთ. ასევე იქნება წარდგენილი ახალი ფორმა-100, რომლის მიხედვითაც, თავად "ვივამედი" ადასტურებს, რომ სააკაშვილი მძიმე ავადმყოფია და მას აქვს კახექსია. გარდა ამისა, წარდგენილი იქნება სხვა სახის მტკიცებულებებიც და არ გამოვრიცხავ, რომ რამდენიმე მოწმე მოვიყვანოთ და დავკითხოთ სასამართლოზე. ესენი შეიძლება იყვნენ კლინიკა "ვივამედის" ექიმები", - განაცხადა ხაჭაპურიძემ "მთავარ არხთან" საუბრისას. 

შეგახსენებთ, თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ 6 თებერვალს მიიღო.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა