უკრაინის პრეზიდენტის ვოლოდიმერ ზელენსკის განცხადებით, ჩნდება კითხვა: ვის მხარესაა დღეს საქართველო, მისი ხელმძღვანელობა? ნეიტრალურები არიან, თუ რუსეთის მხარეს?  - ამის შესახებ, უკრაინის პრეზიდენტმა ავსტრიის პრეზიდენტთან, ალექსანდრ ვან დერ ბელენთან კიევში გამართულ პრესკონფერენციაზე განაცხადა.

"ჩნდება კითხვა: ვის მხარესაა დღეს საქართველო, მისი ხელმძღვანელობა? ნეიტრალურები არიან, თუ რუსეთის მხარეს? რადგან რუსეთი ისე იქცევა თავის პოლიტიკოსებს, როგორც დღეს საქართველოს ხელმძღვანელობა ექცევა არა მათ პოლიტიკოსებს, სხვათა შორის, არამედ უკრაინის მოქალაქეებს. ამიტომ კიდევ ერთხელ: არიან ისინი ნეიტრალურები? რუსეთის მხარეს? უკრაინის წინააღმდეგ? ჩვენ დიდ პატივს ვცემთ ნეიტრალიტეტის საკითხს, მაგრამ ასეთ დამოკიდებულებასთან დაკავშირებით დიდი გაუგებრობა გვაქვს." - განაცხადა უკრაინის პრეზიდენტმა.

ზელენსკი თვლის, რომ საქართველოს მთავრობა  ქვეყნის ყოფილ პრეზიდენტს, მიხეილ სააკაშვილს ნელ-ნელა კლავს. 

ზელენსკიმ თქვა, რომ მას სააკაშვილის ამჟამინდელი ჯანმრთელობის მდგომარეობის ამსახველი ფოტოები აჩვენეს. 

ავტორი: ექსპრესნიუსი,

სოციალური ქსელები

სამადაშვილი - დუმილითა და უმოქმედობით ოცნება ანექსიის პროცესს ხელს უწყობს

ჰომოფობიის წინააღმდეგ ბრძოლის დღეს, საპატრიარქო ოჯახის დღედ აცხადებს, შიო III სამებაში წირვას აღავლენს

ფილფანი - „ოცნებამ“ საზოგადოება სოციალური ნიშნით გაყო

პროკურატურამ ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის ფაქტებზე 50 პირს ბრალდება წარუდგინა