ევროპის საბჭოს საპარლამენტო ასამბლეამ (PACE) ჰააგაში სპეციალური საერთაშორისო სისხლის სამართლის ტრიბუნალის შექმნა ერთხმად მოითხოვა. საერთაშორისო ტრიბუნალმა რუსეთისა და ბელარუსის პოლიტიკური და სამხედრო ლიდერები უნდა გაასამართლოს იმისთვის, რომ "დაგეგმეს, წამოიწყეს და განახორციელეს" აგრესიული ომი  უკრაინის წინააღმდეგ. 

საპარლამენტო ასამბლეას თქმით, ასეთი ტრიბუნალი უნდა იყოს "მოწონებული და მხარდაჭერილი რაც შეიძლება მეტი სახელმწიფოსა და საერთაშორისო ორგანიზაციის, განსაკუთრებით კი, გაეროს გენერალური ასამბლეის მიერ". ამასთან ერთად, აქტიური როლი უნდა ჰქონდეს ევროპულ საბჭოს და უნდა გამოხატოს მხარდაჭერა ტრიბუნალის შექმნის პროცესში. 

უკრაინის უფლებადამცველი არასამთავრობო ორგანიზაციის ხელმძღვანელმა, ლექსანდრა მატვიიჩუკმა პარლამენტარებს მიმართა - "დიახ, ეს გაბედული ნაბიჯია. ჩვენ გვაქვს ერთი ძლიერი არგუმენტი: ეს უნდა გავაკეთოთ, რადგან სწორია".

PACE ტრიბუნალის შექმნის აუცილებლობაზე საუბრისას აცხადებს, რომ არცერთი სხვა საერთაშორისო ტრიბუნალი არაა კომპეტენტური უკრაინის წინააღმდეგ ჩადენილი დანაშაულებზე პასუხისმგებლები პირების სამართლებრივი დევნისა და დასჯისთვის. სისხლის სამართლის საერთაშორისო სასამართლოსაც არ აქვს ამის იურისდიქცია. 

რეზოლუციაში ასევე წერია, რომ გაეროს უშიშროების საბჭოს სასამართლო "ამჟამინდელი გარემოებებიდან გამომდინარე არ იქნება სარწმუნო" ორგანო რადგან რუსეთს აქვს ვეტოს უფლება.

რეზოლუციაში ნათქვამია, რომ იმავდროულად, არსებობს მზარდი სამხილები, რომ რუსული ომის გამამართლებელი რიტორიკა "აჩვენებს გენოციდის მიზნებს" რომ გაანადგურონ უკრაინელი ერი.

„უკრაინის მოქალაქეების წინააღმდეგ ჩადენილი ზოგიერთი დანაშაული, მათ შორის მკვლელობები, იძულებითი გადაყვანა და უკრაინელი ბავშვების "რუსიფიკაცია" ასევე შეიძლება მოექცეს გენოციდის განმარტებაში“ - წერია რეზოლუციაში.

PACE-ს თქმით, რუსეთმა მისი ქმედებებით უკრაინისთვის მოტანილი ზიანისა და დანაკარგებისთვის რეპარაციები უნდა გადაიხადოს. მათ ასევე მოუწოდეს უკრაინისთვის კომპენსაციის საერთაშორისო მექანიზმის შექმნისკენ.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა