„რამშტაინის“ ფორმატის მორიგი შეხვედრა თებერვალში გაიმართება,- ამის შესახებ უკრაინის თავდაცვის მინისტრი, ოლექსეი რეზნიკოვი Twitter-ზე წერს.

რეზნიკოვის თქმით, ყოველი შეხვედრის შემდეგ ხედავს, თუ როგორ იზრდება პარტნიორების ნდობა უკრაინის მიმართ.

"რამშტაინის ყოველი შეხვედრის შემდეგ, ვხედავ, როგორ იზრდება ჩვენი პარტნიორების ნდობა უკრაინის მიმართ. ეს ყველაფერი ჩვენი სამხედროებისა და წარმომადგენლების შრომის დამსახურებაა. მეტი ნდობა ნიშნავს მეტ იარაღს, რომ დავიცვათ ჩვენი მიწა, ზღვა და ცა. რამშტაინის მე-9 შეხვედრა თებერვალში გაიმართება. ადევნეთ თვალი",- წერს რეზნიკოვი.

შეგახსენებთ, რომ რამშტაინის ბოლო შეხვედრა 20 იანვარს შედგა, სადაც ნატო-ს გენერალურმა მდივანმა, იენს სტოლტენბერგმა უკრაინისთვის „საბრძოლო შესაძლებლობების“ ახალი პაკეტის შესახებ გამოაცხადა.

ამასთან, სამიტის მთავარი განსახილველი თემა უკრაინისთვის Leopard-ის ტიპის ტანკების გადაცემა გახდა.

აღსანიშნავია, რომ დასავლეთის ქვეყნების თავდაცვის მინისტრები უკრაინისთვის ამ ტიპის ტანკების გადაცემაზე ვერ შეთანხმდნენ. 

ავტორი: ექსპრესნიუსი,

სოციალური ქსელები

ობამამ გააკრიტიკა ტრამპის ირანთან მიღწეული შეთანხმება: „ჩვენ ისევ საწყის წერტილს დავუბრუნდით“

NYT: ტრამპმა ზელენსკისთან დაპირისპირებას „შესანიშნავი სატელევიზიო შოუ“ უწოდა

დრონებით თავდასხმების გამო, რუსეთში ბენზინის წარმოება ივნისში ერთი მეოთხედით შემცირდა

ზელენსკიმ ლუკაშენკოს ერთი კვირა მისცა ბელარუსში იმ აღჭურვილობის გასათიშად, რომელიც რუსეთს უკრაინაში დარტყმებში ეხმარება