2023-01-13 12:14:26, 1464 ნახვა
სამართალი
გიული ალასანიას განცხადებით, უკრაინამ მიხეილ სააკაშვილის მოწამვლის საქმეზე გამოძიება დაიწყო
საქართველოს მესამე პრეზიდენტის დედის, გიული ალასანიას განცხადებით, უკრაინამ მიხეილ სააკაშვილის მოწამვლის საკითხზე გამოძიება დაიწყო.
როგორც ალასანიამ კლინიკა "ვივამედის" დატოვების შემდეგ აღნიშნა, უკრაინის მართლმსაჯულება ძალიან დაინტერესებულია ექსპრეზიდენტის მდგომარეობით.
"კახექსიური პროცესები გრძელდება და ღრმავდება. რამდენი ხანია ამაზე ექიმები ლაპარაკობენ, ცოტა ხნის წინ ამერიკელი ექსპერტიც ლაპარაკობდა. სახარბიელო მდგომარეობა არ არის. რაც შეეხება მეორე მხარეს, უკრაინის მართლმსაჯულება ძალიან გააქტიურებულია და ძალიან დაინტერესებულია, დაიწყეს ძალიან აქტიურად კვლევა მისი მოწამვლის. უკრაინამ დაიწყო გამოძიება",- განაცხადა გიული ალასანიამ.
ავტორი: ექსპრესნიუსი,
epn.ge (@expressnews.ge)
