ხელისუფლების საბოლოო გადაწყვეტილება მიხეილ სააკაშვილის პოლიტიკური, ჰუმანური და ჯანმრთელობის საკითხების იზოლაციაა, - ამის შესახებ "ერთიანი ნაციონალური მოძრაობის" წევრმა, ხატია დეკანოიძემ პარლამენტის გადაწყვეტილებასთან დაკავშირებით განაცხადა.

როგორც დეკანოიძემ ცოტა ხნის წინ გამართულ საგანგებო ბრიფინგზე თქვა, შექმნილი რთული ვითარებიდან ერთადერთი გამოსავალი პრეზიდენტის მიერ შეწყალების მექანიზმის გამოყენებაა.

"ხელისუფლებამ მიხეილ სააკაშვილის სრულ იზოლაციაში გადაყვანა დააპირა. მე საზოგადოებას შევახსენებ, რომ მის მოსანახულებლად გუშინ, გუშინწინ არ შეუშვეს მისი შვილები, ასევე ჩვენ, პარლამენტის წევრებს, შეგვეზღუდა დღეს შესვლა. სრული იზოლაცია დასრულდა კიდევ ერთი გადაწყვეტილებით, რომ მიხეილ სააკაშვილის სასამართლო პროცესი გადაიდო, რაც არის კონკრეტულად იმის დასტური, რომ სააკაშვილის პოლიტიკური იზოლაცია ისევე, როგორც მისი ჰუმანური იზოლაცია, მისი ჯანმრთელობის საკითხების იზოლაცია არის ხელისუფლების საბოლოო გადაწყვეტილება, რაც გულისხმობს იმას, რომ მესამე პრეზიდენტის ჯანმრთელობის მდგომარეობა კიდევ გაუარესდება...

ხელისუფლების ნებისმიერი გადაწყვეტილება მიმართულია იმ ძალიან მძიმე პროცესებისკენ, რომლის შედეგადაც, ამ ქვეყანამ შეიძლება შეუქცევადი შედეგი მიიღოს, მათ შორის მიხეილ სააკაშვილის მდგომარეობით, შეუქცევადი შედეგი ევროინტეგრაციის კურსის მიმართულებით. ამ სიტუაციაში ერთადერთ მნიშვნელოვან ბერკეტად სალომე ზურაბიშვილის მიერ შეწყალება რჩება. შეწყალება უნდა განხორციელდეს ძალიან მალე", - აცხადებს ხატია დეკანოიძე. 

ცნობისთვის, საქართველოს პარლამენტის თავმჯდომარის გადაწყვეტილებით, 3 იანვრიდან პარლამენტის წევრები სააკაშვილის მონახულებას, პენიტენციურ დაწესებულების ნებართვის გარეშე ვეღარ შეძლებენ. 

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა