იუსტიციის მინისტრი - ყველა ჩვენი თანამშრომელი, რომლებიც ჩართული იყვნენ 2008 წლის ომში, ვეტერანის სტატუსის მატარებელია

2022-12-16 14:51:34, 1015 ნახვა

საზოგადოება

„საკანონმდებლო ცვლილებების შედეგად იუსტიციის სამინისტროს სისტემის ყველა ის თანამშრომელი, რომლებიც ჩართული იყვნენ 2008 წლის ომში, ვეტერანის სტატუსის მატარებელია", – ამის შესახებ იუსტიციის მინისტრმა რატი ბრეგაძემ პარლამენტში განაცხადა.

„ვეტერანის სტატუსი ძალიან მნიშვნელოვანი რამ არის ნებისმიერი ადამიანისათვის, ვინც ჩართული იყო საქართველოს ტერიტორიული მთლიანობისთვის ბრძოლაში. აქამდე სამინისტროში იყვნენ თანამშრომლები, რომლებიც 2008 წლის ომში მონაწილეობდნენ, მაგრამ გარკვეული საკანონმდებლო ხარვეზის გამო ვერ ხერხდებოდა მათთვის სტატუსის მინიჭება. საკანონმდებლო ცვლილებების შედეგად იუსტიციის სამინისტროს სისტემის ყველა ის თანამშრომელი, რომლებიც ჩართული იყვნენ 2008 წლის ომში, ვეტერანის სტატუსის მატარებელია", – განაცხადა რატი ბრეგაძემ.

მინისტრმა საპარლამენტო ტრიბუნიდან მადლობა გადაუხადა ყველა იმ პირს, ვინც საქართველოს ტერიტორიული მთლიანობისათვის ბრძოლაში მონაწილეობდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),