რუსული ტყვეობიდან გათავისუფლებულ აზოვსტალის დამცველს, მიხაილ დიანოვს აშშ-ში ხელის ოპერაცია გაუკეთეს. 

FC Shakhtar-ის ცნობით, საზღვაო ქვეითს ოპერაცია 13 დეკემბერს სენტ-ლუისში ჩაუტარდა და წარმატებითაც დასრულდა. 

გავრცელებული ინფორმაციით, რეაბილიტაციის შემდეგ მიხაილის მარჯვენა ხელი სრულად იფუნქციონირებს.

ასევე აღნიშნულია, რომ დიანოვი უკრაინაში უახლოეს დღეებში დაბრუნდება.

ცნობისთვის, მიხაილ დიანოვი უკრაინის შეიარაღებული ძალების 36-ე ცალკეული საზღვაო ბრიგადის უფროსი სერჟანტია.

ბრძოლის დროს მას ჭრილობები ორივე ფეხსა და მარჯვენა მკლავში მიაყენეს. დამცველს ზედა კიდურში 4 სანტიმეტრი ძვალი აკლია.

დიანოვი რუსული ტყვეობიდან, 214 ჯარისკაცთან ერთად, 21 სექტემბერს გაათავისუფლეს. მას წამების კვალი ეტყობოდა და 40 კილოგრამი ჰქონდა დაკლებული. 

ავტორი: ექსპრესნიუსი,

სოციალური ქსელები

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი

2019 წლის 20 ივნისის მოვლენების წლისთავზე საპროტესტო აქცია გაიმართება

საქართველოში მსუბუქი ავტომობილების იმპორტი ოთხწლიან მინიმუმამდე დაეცა