2022-12-11 11:44:16, 2052 ნახვა

---

ფედოროვის განცხადებით, უკრაინამ ოკუპირებულ მელიტოპოლზე იერიში მიიტანა - დაღუპულია 200-მდე რუსი სამხედრო

უკრაინის შეიარაღებულმა ძალებმა რუსეთის მიერ ოკუპირებულ ქალაქ მელიტოპოლზე იერიში მიიტანეს. აღნიშნული ინფორმაცია მელიტოპოლის მერმა, ივან ფედოროვმა Telegram-ზე გაავრცელა.

ფედოროვის განცხადებით, მტრის ბაზებზე უკრაინელების თავდასხმას 200-მდე რუსი ოკუპანტი ემსხვერპლა.

მანამდე მელიტოპოლის მერი იტყობინებოდა, რომ მელიტოპოლის აღმოსავლეთით იწვოდა ეკლესია, რომელიც რუსებმა დაიპყრეს.

როგორც UNIAN-ი წერს, უკრაინელმა სამხედროებმა მელიტოპოლში 58-ე არმიის მე-19 მოტომსროლელი დივიზიის ერთ-ერთი ქვედანაყოფის ბანაკი (ვლადიკავკაზი, ჩრდილოეთ ოსეთი) დაამარცხეს. 

უკრაინული მედიის ცნობით, დაჭრილი რუსი სამხედროები, მელიტოპოლის საავადმყოფოებში საკმარისი ადგილის არქონის გამო, ყირიმში გადაჰყავთ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი