აჭარის ჯანმრთელობისა და სოციალური დაცვის მინისტრმა, ნინო ნიჟარაძემ სამინისტროს 2023 წლის ბიუჯეტის პროექტი და დაგეგმილი პროგრამული სიახლეები, ქობულეთის მუნიციპალიტეტის სოფლის ექიმებს, მერის წარმომადგენლებს ადმინისტრაციულ ერთეულებში და სამედიცინო დაწესებულებების ხელმძღვანელებს გააცნო.

მინისტრის განმარტებით, გეგმის თანახმად 2023 წელს სამინისტროს ბიუჯეტი 4 000 000 ლარამდე გაიზრდება და 32 735 000 ლარი იქნება. შესაბამისად გაიზრდება პროგრამების ბიუჯეტი და მოსარგებლეთა რაოდენობა, ასევე ამოქმედდება რამდენიმე ახალი პროგრამა.

,,შეხვედრის მონაწილეებს, რომლებიც უშუალო კავშირში არიან ადგილობრივ მოსახლეობასთან, მათი მაქსიმალური ინფორმირების მიზნით, სამინისტროს მომავალი წლის ბიუჯეტში დაგეგმილი სიახლეები და ცვლილებები  გავაცანით. განვიხილეთ საქართველოს ჯანდაცვის სამინისტროს DRG მოდელის ამოქმედების საფუძველზე, აჭარის ჯანდაცვის სამინისტროს რიგ პროგრამებში განხორციელებული თანადაფინანსების მეთოდი. ასევე, ის ახალი პროგრამები, რომლებიც 2023 წლიდან ამოქმედდება“ - აღნიშნა მინისტრმა, ნინო ნიჟარაძემ.

შეხვედერას ქობულეთის მუნიციპალიტეტის მერი, ლევან ზოიძე და მინისტრის პირველი მოადგილე, მარი ზანაქიძე ესწრებოდნენ.

„მოსახლეობისათვის ინდივიდუალური სამედიცინო დახმარების“ პროგრამის ფარგლებში:

• 2023 წელს პირველად დაფინანსდება, თვალის ბადურის მძიმე დაავადებების მკურნალობა, ახალი თაობის ანტიანგიოგენური პრეპარატებით.
• დაიწყება ალკოჰოლის მიღებით გამოწვეული ფსიქიკური და ქცევითი აშლილობების მქონე პაციენტების სტაციონარული მომსახურების დაფინანსება.
• ამავე პროგრამით იგეგმება ძვირადღირებული ბიოლოგიური მედიკამენტების დაფინანსების პროცენტული წილის გაზრდა,  რევმატოიდული ართრიტის მძიმე ფორმით, იდიოპათიური მაანკილოზირებელი სპონდილიტით, ფსორიაზითა და ფსორიაზული ართრიტით დაავადებული  პაციენტებისათვის.
• გაიზრდება გაფანტული სკლეროზით დაავადებული პაციენტების რაოდენობა.
• გაიზრდება ღვიძლის ტრანსპლანტაციის დასაფინანსებელი თანხისა და ბენეფიციარების რაოდენობა.
• ძვლის ტვინის ტრანსპლანტაცია დაფინანსდება 125 000 ლარიდან 235 000 ლარამდე. 
• 2023 წლისათვის მოიმატებს ერთჯერად მომართვაზე დასაფინანსებელი თანხის ზღვრული რაოდენობა - 8 000 ლარამდე.

 “ავთვისებიანი სიმსივნით დაავადებულ პაციენტთა დამატებითი სამედიცინო მომსახურების“ პროგრამის ფარგლებში

• გაიზრდება ავთვისებიანი სიმსივნით დაავადებული პაციენტებისათვის მკურნალობისათვის საჭირო სიმსივნის საწინააღმდეგო თარგენტული, იმუნოთერაპიული (მონოკლონური ანტისხეულების, პროტეინ კინაზა ინჰიბიტორების), ბისფოსფონატების ჯგუფის დასაფინანსებელი მედიკამენტების ნუსხა, რომლებიც საყოველთაო ჯანმრთელობის დაცვის სახელმწიფო პროგრამით არ ფინანსდება.

 „უშვილობის დიაგნოსტიკისა და მკურნალობა“.

2023 წელს დაუფინანსდება 300 000-მდე სარეიტინგო ქულის მქონე უშვილო წყვილებსაც.

გულის ტრანსპლანტაციის დაფინანსება 200 000 ლარიდან გაიზრდება 220 000 ლარამდე.

• პირველად დაიწყება შშმ სტატუსის მქონე მშობლის და ორსულის ერთჯერადი მატერიალური დახმარების გაცემა 2000 ლარის ოდენობით;

გაიზრდება შშმ ბავშვთა რეაბილიტაციის პროგრამები, ელექტროეტლების რაოდენობა და დამხმარე საშუალებების ნუსხა.

• 2023 წელს აგრეთვე იზრდება ეკომიგრანტი ოჯახების საცხოვრებლით უზრუნველყოფის პროგრამის ბიუჯეტი 4 080 000 ლარამდე, ხოლო სახელმწიფოს მხრიდან თითოეულ ოჯახზე თანადაფინანსების წილი 40 000 ლარამდე.

ავტორი: NS (სტატია დაფინანსებულია),

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა