|
2022-12-07 13:18:52, 637 ნახვა
საზოგადოება
პროექტის „ჩვენი ჯარი“ ფარგლებში, თავდაცვის მინისტრის მოადგილე სკოლის მოსწავლეებს შეხვდა
პროექტის „ჩვენი ჯარი“ ფარგლებში, თავდაცვის უწყების ხელმძღვანელი პირები სკოლებში ვიზიტებს განაგრძობენ. თავდაცვის უწყების ცნობით, მშობლიურ სკოლაში, ამჯერად, თავდაცვის მინისტრის მოადგილე გრიგოლ გიორგაძე იმყოფებოდა. მინისტრის მოადგილე ქუთაისის წმინდა ნინოს სახელობის მე-3 საჯარო სკოლაში მაღალი კლასების მოსწავლეებს შეხვდა და პროექტის მნიშვნელობაზე ისაუბრა. მან საუბრისას მოზარდების ჩამოყალიბების პროცესში სკოლის როლზე, განათლებული ახალგაზრდა თაობისა და მათში პატრიოტული სულისკვეთების გაღვივების მნიშვნელობაზე გაამახვილა ყურადღება. თავდაცვისა და განათლებისა და მეცნიერების სამინისტროს ერთობლივი პროექტი მთელი საქართველოს მასშტაბით წარმატებით მიმდინარეობს. მოქმედი სამხედრო მოსამსახურეები, ოფიცრები და სერჟანტები სკოლებს ეტაპობრივად სტუმრობენ და მოსწავლეებს თემატურად შერჩეული და მომზადებული, ვიდეო და ფოტომასალით დატვირთული პრეზენტაციების სახით საქართველოს თავდაცვის ძალების მიზნებსა და ამოცანებზე, სამხედრო განათლების მიღების შესაძლებლობებსა და პრივილეგიებზე, სამხედრო სამსახურის ფორმებზე, საერთაშორისო მისიების მნიშვნელობასა და საქართველოს კონტრიბუციაზე ინფორმაციას პირადად აწვდიან. 2022-2023 სასწავლო წლის განმავლობაში ქვეყნის მასშტაბით 1301 სკოლაში ვიზიტია დაგეგმილი. პროექტი „ჩვენი ჯარი“ რომელიც თავდაცვის ძალების წარმომადგენლების საჯარო სკოლების მოსწავლეებთან შეხვედრებს ითვალისწინებს, ახალგაზრდების ცნობიერების ამაღლებასა და პატრიოტული სულისკვეთების გაღრმავებას ისახავს მიზნად.
დიუშენის დაავადების მქონე ბავშვების მშობლებს ივანიშვილის საცხოვრებელ სახლთან აქციის გამართვის უფლება არ მიეცათ
ჟურნალისტი, ელისო ჯარიაშვილი გურამ როგავაზე თავდამსხმელის შესახებ საგამოძიებო რეპორტაჟის მომზადების შემდეგ, გამოკითხვაზე დაიბარეს
Kanye West საქართველოში ჩამოდის
სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა
რუსეთმა ხარკოვსა და ზაპოროჟიეზე იერიში ზელენსკის მიერ გამოცხადებული „ცეცხლის შეწყვეტის“ შემდეგ მიიტანა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)