რუსმა ოკუპანტებმა სარაკეტო იერიში მიიტანეს უკრაინის ქალაქ დნეპრიზე, რაკეტები მიმართული იყო ადგილობრივ საწარმოზე. ამის შესახებ ინფორმაციას დნეპროპეტროვსკის რეგიონალური სამხედრო ადმინისტრაციის ხელმძღვანელი ვალენტინ რეზნიჩენკო ავრცელებს. 

მისი თქმით, სარაკეტო დარტყმის ადგილზე ხანძარი გაჩნდა და განადგურდა სამრეწველო ობიექტები.

"რუსებმა დნეპრის დაარტყეს. რამდენიმე რაკეტა გაუგზავნეს ღამის ქალაქს. მოხვდა კერძო საწარმოს. განადგურდა საწარმოო ობიექტები. ხანძარი გაჩნდა", - განაცხადა რეზნიჩენკომ.

სამხარეო სამხედრო ადმინისტრაციის უფროსმა აღნიშნა, რომ ახლა ყველა შესაბამისი სამსახური მუშაობს ადგილზე ​და ჭურვის შედეგების ლიკვიდაციას ახდენენ.

ცნობისთვის, გუშინ, 28 ნოემბრის ღამეს, საჰაერო თავდასხმის განგაში გაისმა პოლტავას, დნეპროპეტროვსკის, ხარკოვისა და ზაპოროჟიეს რეგიონებში. სოციალურ ქსელებში გავრცელდა ინფორმაცია პოლტავასა და დნეპრში აფეთქებების ხმების შესახებ .

27 ნოემბერს უკრაინის პრეზიდენტმა ვოლოდიმირ ზელენსკიმ მოსახლეობა გააფრთხილა, რომ ოკუპანტები ქვეყანაში ახალი თავდასხმისთვის ემზადებიან. 

ავტორი: ექსპრესნიუსი,

სოციალური ქსელები

გახარია საქართველოსთვის: ოპოზიციური ალიანსი „ოცნების“ პოლიტიკას უწყობს ხელს

თიბისის საერთაშორისო აღიარება - ყველაზე ინოვაციური ბანკი ცენტრალურ და აღმოსავლეთ ევროპაში

მეუფე ნიკოლოზი - კანდიდატი კი იქნება მოსაყდრე, მაგრამ რამდენ ხმას მოაგროვებს, ამ წუთას არავინ არ იცის

პაველ ჰერჩინსკისა და მაკა ბოჭორიშვილს შორის 1 საათიანი შეხვედრა დასრულდა