2022-11-17 18:23:54, 943 ნახვა
პოლიტიკა
ირანის მტკიცებით, 16 ნოემბრის ღამეს გამართულ საპროტესტო აქციაზე საფრანგეთის დაზვერვის აგენტები დააკავეს
ირანმა 16 ნოემბრის ღამეს გამართულ საპროტესტო აქციაზე საფრანგეთის დაზვერვის აგენტები დააკავა. - ამის შესახებ ირანის შინაგან საქმეთა მინისტრმა, აჰმად ვაჰიდმა განაცხადა.
მისივე თქმით, ასევე არეულობის დროს სხვა სახელმწიფოების წარმომადგენლებიც დავაკავეს.
"არეულობის დროს სხვა სახელმწიფოების წარმომადგენლები დავაკავეთ, მათ შორის ისინი, ვინც დიდი როლი ითამაშეს პროტესტის გაღვივებაში. დაკავებულებს შორის საფრანგეთის სადაზვერვო სამსახურის ელემენტებიც მოხვდნენ, რომლებსაც კანონის შესაბამისად მივხედავთ". - ნათქვამია განცხადებაში.
შეგახსენებთ, რომ მომხდართან დაკავშირებით ფრანგულ მხარეს კომენტარი ამ დრომდე არ გაუკეთებია.
ავტორი: ექსპრესნიუსი,
epn.ge (@expressnews.ge)
