გარემოს დაცვისა და სოფლის მეურნეობის მინისტრმა, ოთარ შამუგიამ და ევროკავშირის ელჩმა, პაველ ჰერჩინსკმა კონფერენცია „LEADER: ევროპული მიდგომა სოფლად უკეთესი ცხოვრებისთვის“  გახსნეს.
კონფერენციაზე ევროკავშირის დაფინანსებით განხორციელებული პროგრამის „ENPARD-საქართველო“ შედეგები შეაჯამეს, რომელიც საქართველოს სოფლის განვითარებაში ევროპული მოდელების დანერგვას, სოფლად სიღარიბის შემცირებასა და სოფლად მცხოვრები მოსახლეობის მდგრადი მომავლის მშენებლობას ემსახურება.

კონფერენციის მონაწილეებმა საქართველოს სოფლის განვითარების წარმატებებზე, გამოწვევებსა და სამომავლო ნაბიჯებზე იმსჯელეს.

„ევროკავშირი უკვე მრავალი წელია გვეხმარება და ჩვენი აქტიური მხარდამჭერია  როგორც სოფლის მეურნეობის, ასევე, სოფლის განვითარების და გარემოს დაცვის მიმართულებებით. პროექტის ფარგლებში არაერთი მნიშვნელოვანი ღონისძიება იქნა დაფინანსებული, რომელშიც ჩართული არიან საერთაშორისო ორგანიზაციები. 1900-ზე მეტი ფერმერი იქნა სხვადასხვა  მიმართულებით მხარდაჭერილი, განხორციელდა არაერთი სტრატეგიის, რამდენიმე კანონმდებლობის შემუშავება. მიმდინარეობს სამინისტროს ინსტიტუციური რეფორმა, ასევე სოფლის განვითარების სააგენტოს გადამხდელ სააგენტოდ რეფორმის პროცესი და ა.შ. დარწმუნებული ვარ, მეოთხე ფაზაც ასეთივე წარმატებული იქნება. ეს მხარდაჭერა ჩვენი ქვეყნისთვის მეტად მნიშვნელოვანია“, - აღნიშნა ოთარ შამუგიამ. 

როგორც მინისტრმა აღნიშნა, საქართველოს მთავრობა მნიშვნელოვან ნაბიჯებს დგამს სოფლის მდგრადი განვითარების მიმართულებით, რაც საქართველოს ეროვნულ პრიორიტეტს და ევროკავშირთან ინტეგრაციის ამოცანებს შეესაბამება. 

„სოფლის განვითარება ევროკავშირისა და საქართველოს თანამშრომლობის მნიშვნელოვანი სფეროა. მდგრადი, მწვანე და თანასწორი სოფლის განვითარება ხელს უწყობს სიღარიბის აღმოფხვრას და დასაქმების შესაძლებლობების შექმნას ადამიანებისა და გარემოს საკეთილდღეოდ. სოფლის განვითარების მოდერნიზების, შესაბამისი პოლიტიკის შექმნისა და პრაქტიკული მიდგომების დანერგვის მხრივ, საქართველომ გასული 10 წლის მანძილზე მნიშვნელოვანი ნაბიჯები გადადგა. ევროკავშირი მიესალმება ამ წარმატებას და აგრძელებს საქართველოს ხელშეწყობას სოფლად უკეთესი შესაძლებლობების შესაქმნელად“, - განაცხადა ევროკავშირის ელჩმა საქართველოში პაველ ჰერჩინსკიმ.
კონფერენციის პარალელურად, ფერმერული ნაწარმისა და სასოფლო-სამეურნეო პროდუქციის გამოფენა გაიმართა.

ENPARD-ის მეოთხე ფაზა 2021-2025 წლებში, ევროკავშირის 55 მილიონი ევროს დაფინანსებით განხორციელდება. პროგრამის ძირითადი ყურადღება სოფლის განვითარების პოლიტიკის შემუშავებასა და დანერგვას დაეთმობა, ასევე ფერმერთა და მეწარმეთა ხელშეწყობას ევროპულ ბაზარზე წვდომის მიზნით.

ღონისძიება ევროკავშირის ხელშეწყობითა და გაეროს განვითარების პროგრამის (UNDP), გაეროს სურსათისა და სოფლის მეურნეობის ორგანიზაციის (FAO), Action Against Hunger-ის, CARE საქართველოს, CENN-ის და People in Need-ის ორგანიზებით გაიმართა.

კონფერენციაში ავსტრიის განვითარების სააგენტოსა და ჩეხეთის რესპუბლიკის საელჩოს, საქართველოს მთავრობის, პარლამენტისა და ადგილობრივი თვითმმართველობის, არასამთავრობო ორგანიზაციების, სოფლად მომუშავე კომპანიების, ადგილობრივი განვითარების ჯგუფების (LAGs) წარმომადგენლები და საერთაშორისო პარტნიორები მონაწილეობდნენ.

აღსანიშნავია, რომ პროგრამა „ENPARD - საქართველო“ უკვე ათი წელია მიმდინარეობს. ENPARD-ის ფარგლებში, საქართველომ მოახდინა სოფლის განვითარების ინსტიტუციური, საკანონმდებლო და ადმინისტრაციული სისტემების ჰარმონიზება ევროკავშირის სოფლის მეურნეობის ერთიან პოლიტიკასთან, გაიზიარა ევროკავშირის წევრის ქვეყნების საუკეთესო პრაქტიკა.

ავტორი: NS (სტატია დაფინანსებულია),

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის