საუბრობდნენ იმაზე, რომ შეძლებდნენ ხელისუფლების წინააღმდეგ პრობლემების შექმნას და როგორც ჩანს, ეს დამზადებული ყუმბარები საკუთარ ხელში აუფეთქდათ,- ასე აფასებს "ქართული ოცნების" დეპუტატი, მიხეილ სარჯველაძე „ნაციონალურ მოძრაობაში“ არსებულ ვითარებას. 

მისი თქმით, ყველაზე დიდი ოპოზიციური პარტია იმდენად მწვავედ განიცდიან კრახსა და მარცხს, რომ აღარ დარჩათ რესურსი, რომ შენიღბონ ამ დრომდეც არსებული პრობლემები. 

"ისინი ბევრს საუბრობდნენ იმაზე, რომ შეძლებდნენ ხელისუფლების წინააღმდეგ სერიოზული პრობლემების შექმნას და როგორც ჩანს, ეს დამზადებული ყუმბარები საკუთარ ხელში აუფეთქდათ. ფაქტია, რომ იმდენად მწვავედ განიცდიან კრახსა და მარცხს, რომ აღარ დარჩათ რესურსი, რომ შენიღბონ ამ დრომდეც არსებული პრობლემები პარტიაში",- განაცხადა სარჯველაძემ. 

შეგახსენებთ, რომ 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ თავმჯდომარის არჩევნებში მონაწილეობა მიიღოს.

თავმჯდომარის პოსტზე საკუთარი კანდიდატურა წარადგინა „ნაციონალური მოძრაობის“ წევრმა, გიორგი ჩალაძემ და ნიკა მელიასთან დაპირისპირებაში მყოფმა გიორგი მუმლაძემ. 

ავტორი: ექსპრესნიუსი,

სოციალური ქსელები

უკრაინამ კრასნოდარის მხარეში ბენზინგასამართი სადგურების მომარაგების საწყობი დაბომბა

კინოდაჯილდოება „ელისო“ 2026-ის გამარჯვებულები ცნობილია

საქართველოს ბანკის მხარდაჭერით, ქართული ღვინის ექსპორტის შესახებ ვორკშოპი გაიმართა

არ გამოგრჩეთ „გორგილაძის აუტანელი სიმსუბუქის“ ახალი ეპიზოდი 16 ივნისს YouTube-ზე - პროექტის მხარდამჭერია საქართველოს ბანკი