2022-11-04 13:23:37, 1077 ნახვა

---

შრომის ინსპექციის სამსახურმა, შრომით ურთიერთობებში დისკრიმინაციის პრევენციის მიზნით გატარებული ღონისძიებების და გეგმების შესახებ შეხვედრა გამართა

შრომის ინსპექციის სამსახურმა, USAID სამართლის უზენაესობის პროგრამის მხარდაჭერით - წინასახელშეკრულებო და შრომით ურთიერთობებში დისკრიმინაციის პრევენციის მიზნით გატარებული ღონისძიებების და გეგმების შესახებ შეხვედრა გამართა. 

ღონისძიება ქვეყნის მთავარმა შრომის ინსპექტორმა ბექა ფერაძემ გახსნა. 

მონაწილეებს მისასალმებელი სიტყვით მიმართეს: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ თამილა ბარკალაიამ, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ, ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ვლადიმერ კახაძემ, საქართველოს პროფესიული კავშირების თავმჯდომარის მოადგილემ რაისა ლიპარტელიანმა და USAID სამართლის უზენაესობის პროგრამის ხელმძღვანელმა გიორგი ჩხეიძემ. 

ღონისძიებაზე ვაკანსიის გამოცხადების დროს დისკრიმინაციის პრევენციის შესახებ სახელმძღვანელო პრინციპების პრეზენტაცია შედგა.

დოკუმენტი შრომის ინსპექციის სამსახურის მიერ, USAID სამართლის უზენაესობის პროგრამის მხარდაჭერით - კერძო და საჯარო დაწესებულებებისთვის - გამოიცა.

მასში განმარტებულია ის ძირითადი პრინციპები, რაც წინასახელშეკრულებო ეტაპზე დამსაქმებელმა უნდა გაითვალისწინოს, რათა თავიდან აირიდოს ნებისმიერი სახის დისკრიმინაცია. სახელმძღვანელო ხელმოსაწვდომია 4 ენაზე( ქართული, ინგლისური, სოხური და აზერბაიჯანული) დისკრიმინაციის წინააღმდეგ ბრძოლა შრომის ინსპექციის სამსახურის ერთ-ერთი პრიორიტეტია. ამ კუთხით უწყება მუდმივ რეჟიმში ატარებს ინსპექტირებას სხვადასხვა დაწესებულებაში, უკვე არსებული შრომითი ურთიერთობებისა და წინასახელშეკრულებო ეტაპებზე. 

ვაკანსიის შესახებ ტექსტის მომზადება და გამოქვეყნება მნიშვნელოვანი პროცესია, რომელიც აუცილებელია ხელმისაწვდომი იყოს ნებისმიერი დაინტერესებული პირისთვის და დაუსაბუთებლად არ გამორიცხავდეს ადამიანთა რომელიმე ჯგუფის ხელმისაწვდომობას დასაქმებაზე. 

ახალი გაიდლაინის პრეზენტაციას ბიზნეს ასოციაციის, HR ასოციაციის, საერთაშორისო და ადგილობრივი არასამთავრობო ორგანიზაციების წარმომადგენლები ესწრებოდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი