ფრიდონ ინჯია - ივანიშვილი ოლიგარქი არ არის, მან იმდენი რამე გააკეთა, მართლაც რომ გმირია

2022-10-03 13:53:46, 1106 ნახვა

პოლიტიკა

პარტია "ევროპელი სოციალისტების" დეპუტატი, ფრიდონ ინჯია თვლის, რომ ყოფილ პრემიერ-მინისტრსს, ბიზინა ივანიშვილს დეოლიგარქიზაციის კანონი ვერ შეეხება, ვინაიდან ის "მეცენატია და არა ოლიგარქი".

როგორც ფრიდონ ინჯიამ ჟურნალისტებთან საუბრისას განაცხადა, ბიძინა ივანიშვილმა "იმდენი რამე გააკეთა, რომ გმირია".

"ბიძინა ივანიშვილი ოლიგარქი არ არის, ის მეცენატია. მან იმდენი რამე გააკეთა, მე ახლა ბოლო პერიოდში ვნახე, გავეცანი ინფორმაციას და მართლაც რომ გმირია",- ამბობს ინჯია.

შეგახსენებთ, რომ დღეს, 3 ოქტომბერს პარლამენტში დეოლიგარქიზაციის კანონთან დაკავშირებით, იურიდიულ საკითხთა კომიტეტის სამუშაო ჯგუფის შეხვედრა გაიმართება.

როგორც იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა, "ბიძინა ივანიშვილზე დეოლიგარქიზაციის კანონპროექტი ფიზიკურად ვერ გავრცელდება".

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,