2022-09-17 14:41:45, 1270 ნახვა
პოლიტიკა
TI - საქართველოში მოქმედი ტვ „1 გასართობის“ დამფინანსებელი სანქცირებული რუსეთის „პირველი არხია“
საქართველოში მოქმედი ტელეკომპანია „1 გასართობის“ (შპს „რ.ბ.ჯ) დამფინანსებელი სანქცირებული რუსეთის „პირველი არხია“ (Первый канал). ამის შესახებ ინფორმაციას საერთაშორისო გამჭვირვალობა-საქართველო ავრცელებს.
მათივე ცნობით, ფინანსური შემოსავლების შესახებ ინფორმაცია კომუნიკაციების კომისიის ვებგვერდზე გამოქვეყნდა.
გასართობი არხი 2015 წლიდან მაუწყებლობს.
საერთაშორისო გამჭვირვალობის მიერ გავრცელებული დოკუმენტის თანახმად, მაუწყებელ რ.ბ.ჯ-ის დაფინანსების წყაროში Channel One Russia JSC, რუსეთის ფედერაცია არის მითითებული. ამავე დოკუმენტის მიხედვით, რუსულმა პირველმა არხმა რეკლამაში 10 000-დან 500 000 ლარამდე გადაიხადა. გასართობი არხი 2015 წლიდან მაუწყებლობს
ავტორი: ექსპრესნიუსი,
epn.ge (@expressnews.ge)
