აფხაზეთის ე.წ. მთავრობის გადაწყვეტილებით, სოხუმის აეროპორტი რუს ოლიგარქს გადაეცემა

2022-08-17 18:26:09, 1253 ნახვა

პოლიტიკა

დროებით ოკუპირებული აფხაზეთის ე.წ. პრეზიდენტის გადაწყვეტილებით, სოხუმის აეროპორტი რუს ოლიგარქს გადაეცემა.

ადგილობრივი მედიის ინფორმაციით, ახალი ინვესტორი ვირჯინიის კუნძულებზე რეგისტრირებული რუსული კომპანია Basic Element Ltd-ია, რომელიც რუს ბიზნესმენ ოლეგ დერიპასკას სახელს უკავშირდება.

ოლეგ დერიპასკას, ამერიკის შეერთებულმა შტატებმა სანქციები ჯერ კიდევ 2018 წელს დაუწესა. ის პუტინის გარემოცვის ოლიგარქია.

აფხაზური მედიის ცნობით, აფხაზურ მხარეს მხოლოდ აეროპორტის მისასვლელი გზა და ელექტროენერგიის გამანაწილებელი პუნქტი რჩება. აეროპორტის კომპლექსში ყველა სხვა შემავალი ობიექტი კი “ინვესტორებმა” და რუსეთის ფედერაციამ ერთმანეთში გაინაწილეს.

რუსეთის მიერ დროებით ოკუპირებული აფხაზეთის „ეკონომიკის სამინისტროში“ კი აცხადებენ, რომ სოხუმის აეროპორტის ინფრასტრუქტურული ობიექტები სახელმწიფო საკუთრებასა და მართვაში დარჩება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,