არახამია იჩემებს, რომ ქართული სულისა და ქართული ენერგეტიკის მატარებელი ადამიანია, მაგრამ ფაქტობრივად ყველაფერს აკეთებს, რათა უკრაინასა და საქართველოს შორის ურთიერთობა არათუ გაფუჭდეს, არამედ რადიკალური დაპირისპირების ფორმატში მოექცეს,- ამის შესახებ „ქართული ოცნების“ დეპუტატმა გია ვოლსკიმ განაცხადა.

მისი თქმით, არახამია, როგორც „ნაციონალური მოძრაობის“ ერთ-ერთი ელემენტი და შემადგენელი ნაწილი, სწორედ იმას ახმოვანებს, რაც ე.წ. რადიკალურ ოპოზიციას სჭირდება.

„აკურატულად“ რომ ვილაპარაკოთ, სანქციები აღარ იქნებაო? – დავით არახამია იჩემებს, რომ ქართული სულისა და ქართული ენერგეტიკის მატარებელი ადამიანია, მაგრამ ფაქტობრივად ყველაფერს აკეთებს, რათა უკრაინასა და საქართველოს შორის ურთიერთობა არათუ გაფუჭდეს, არამედ რადიკალური დაპირისპირების ფორმატში მოექცეს. საქართველო უკრაინელ ხალხს ყოველთვის გვერდით ედგა და რესურსების მაქსიმუმს აკეთებს, რომ უკრაინას დაეხმაროს, არახამია კი, ამოვარდნილია ყველანაირი ფორმატიდან, რასაც ჰქვია ქართულ-უკრაინული ურთიერთობები და უკრაინის ინტერესები.

არახამია, როგორც „ნაციონალური მოძრაობის“ ერთ-ერთი ელემენტი და შემადგენელი ნაწილი, სწორედ იმას ახმოვანებს, რაც ე.წ. რადიკალურ ოპოზიციას სჭირდება. არახამიას შეძახილით, მისი გაფრთხილებით ან ლოიალობით სანქციები არც წესდება და არც მისი პრევენცია ხდება, ის იმ ფორმატშია მოქცეული, რასაც ჩვენი რადიკალური ოპოზიცია, „ნაციონალური მოძრაობა“ ატარებს. ის არის მისი ნაწილი და მოქმედებს ქართულ-უკრაინული ინტერესების საწინააღმდეგოდ.

არახამიას მოკავშირე პარტიამ ყველაფერი გააკეთა, რათა საქართველოს ტერიტორიების დიდი ნაწილი რუსეთის ხელში აღმოჩენილიყო და დღესაც ეს ოკუპაცია გრძელდება. მისმა მოკავშირე პოლიტიკურმა პარტიამ ყველაფერი გააკეთა, რათა სტრატეგიული ობიექტები რუსეთს ჰქონოდა ხელში ჩაგდებული. თუ არახამია მათთან თანამშრომლობით ბაქიბუქობს, ეს ნიშნავს, რომ სრულად იზიარებს იმ სტრატეგიასა და პრორუსულ პოლიტიკას, რაც „ნაცმოძრაობას“ აქვს.

არახამია უკვე ყველა წითელ ხაზს გადასცდა. მისი ამოცანაა, ქართულ-უკრაინული ურთიერთობების იმდენად დანგრევა, რომ იქნებ, მომავალში ჩვენი მნიშვნელოვანი პოლიტიკური თანამშრომლობა არათუ არ განვითარდეს, არამედ საწყისიც არ ჰქონდეს. არახამია მხოლოდ ერთადერთი არ არის, იგივე განცხადებები აქვთ ადამინისტრაციასთან დაახლოებულ ბევრ პირს და ასეთი ცოდვა აქვს ზელენსკისაც დაშვებული, როდესაც მან ქართველი ხალხი, მთავრობა ერთმანეთისგან გამიჯნა და ხალხს მინიშნებით დაპირისპირებისკენ მოუწოდა იმ მიტინგზე ჩართვისას, სადაც სახელმწიფო გადატრიალების თემის გარშემო იმართებოდა. ახლახან სრულიად უტიფარი განცხადება მოვისმინეთ, რომელიც საქართველოში უკრაინის წარმომადგენელმა გააკეთა, რომ საქართველომ უკრაინას მეტი მხარდაჭერა უნდა გაუწიოს. პირდაპირ იყო მინიშნება, რომ ეს დახმარება საომარ მოქმედებებში უნდა გადავიდეს, თუმცა ზუსტად იცის, რომ საქართველოში უკრაინის მოქალაქეები სარგებლობენ მრავალმილიონიანი დახმარებით, ჩვენი მხარდაჭერით. არც ერთი პოლიტიკური დონე არ დარჩა, სადაც საქართველომ უკრაინის მიმართ აშკარა მხარდაჭერა არ გამოხატა იმ პირობებში, როცა საქართველოს რუსეთის მიმართ აქვს დაპირისპირება, მათ შორის საერთაშორისო სასამართლოების დონეზე”,- განაცხადა ვოლსკიმ.

შეგახსენებთ, რომ მანამდე ფრაქცია ხალხის მსახურის თავმჯდომარემ, დავით არახამამ „ქართულ ოცნებას“ მიმართა „აი, ბიჭებო, პირდაპირ გეუბნებით, ცოტა აკურატულები იყავით თქვენს გამონათქვამებში, რადგან მარტო ივანიშვილი არ იქნება სანქციების სამიზნე”.

არახამიას თქმითვე, ახლა სითამამით პოლიტიკური ლიდერები გამოირჩევიან, რომლებიც აკონტროლებენ მედიას, ციხეში სვამენ ყველას, ვინც მათ წინააღმდეგ ლაპარაკობს, მაგრამ ეს მალე გამოსწორდება.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა