უკრაინამ გერმანიიდან პირველი Gepard თვითმავალი საზენიტო იარაღი მიიღო, ხოლო პოლონეთმა  PT-91 Twardy საბრძოლო ტანკები გადასცა. 

„დღეს ოფიციალურად შემოვიდა პირველი სამი გეპარდი, ეს არის საზენიტო-სარაკეტო სისტემები, რისთვისაც რამდენიმე ათეული ათასი ვაზნა გადმოგვეცა“, - განაცხადა უკრაინის თავდაცვის მინისტრმა, ოლექსი რეზნიკოვმა.

მინისტრის თქმით, მოსალოდნელია Gepard-ის 15 კომპლექსის მიწოდება, რომელთაგან სამი უკრაინაში დღეს უკვე ჩავიდა და უკრაინის შეიარაღებული ძალების განკარგულებაშია.

რაც შეეხება Twardy საბრძოლო ტანკებს, როგორც პრეზიდენტის ადმინისტრაციის ხელმძღვანელმა, ანდრეი ერმაკმა განაცხადა, საბრძოლო ტექნიკა უკვე უკრაინაშია. 

"PT-91 Twardy პოლონეთიდან უკვე უკრაინაშია. მადლობა ჩვენს მეგობრებს", - წერს OP-ის ხელმძღვანელი.

მიწოდებული ტანკების რაოდენობა არ არის მითითებული.

შეგახსენებთ, რომ პოლონეთმა აპრილში უკრაინას გადასცა 200 T-72 ტანკი. თავად პოლონეთმა უკვე შეუკვეთა K2 ტანკები სამხრეთ კორეას.  ასევე აპრილში პოლონეთმა ხელი მოაწერა კონტრაქტს პოლონეთის არმიისთვის 250 ამერიკული Abrams ტანკის მიწოდებაზე.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი