ძალიან მნიშვნელოვანი იქნება ევროპარლამენტარების მხრიდან გვარამიას საკითხზე სამომავლოდ კიდევ აპელირება, რადგან მე მიმაჩნია, რომ მის მიმართ გამოტანილი განაჩენი ერთ-ერთი ყველაზე დაუსაბუთებელი და უსამართლოა. - ამის შესახებ სახალხო დამცველმა, ნინო ლომჯარიამ ევროპარლამენტარებთან შეხვედრის შემდეგ განაცხადა.

მისივე თქმით, ევროპარლამენტარებს ასევე აინტერესებდათ მესამე პრეზიდენტის მიხეილ სააკაშვილის ჯანმრთელობის მდგომარეობა.

"მე ვისაუბრე გვარამიას საქმეზე, იმიტომ რომ მათ რეზოლუციაშიც ნახსენები ჰქონდათ გვარამიას საქმე. ავუხსენი სახალხო დამცველის პოზიცია გვარამიას განაჩენთან და ბრალთან დაკავშირებით და რომ მე მიმართული მაქვს საქართველოს პრეზიდენტისთვის. აღვნიშნე, რომ ძალიან მნიშვნელოვანი იქნება მათი მხრიდან ამ საკითხზე სამომავლოდ კიდევ აპელირება, რადგან მე მიმაჩნია, რომ მის მიმართ გამოტანილი განაჩენი ერთ-ერთი ყველაზე დაუსაბუთებელი და უსამართლოა.სააკაშვილთან დაკავშირებითაც დაინტერესდნენ მის ჯანმრთელობის მდგომარეობით და მივაწოდე ის ინფორმაცია, რომელსაც ამჟამად ვფლობ. ბოლო დასკვნა სახალხო დამცველმა აპრილში გამოაქვეყნა და ვინაიდან მასთან შედიან მისი ექსპერტები და ამზადებენ დასკვნას, სახალხო დამცველი ჩართვის საჭიროებას ვერ ხედავს, თუმცა გრძელვადიან პერსპექტივაზე ვუთხარი, რომ ეს საავადმყოფო და ეს გარემო ჩემი ექიმების განცხადებით არ არის მორგებული მისი ავადმყოფობის მკურნალობაზე და სხვა ტიპის სამედიცინო დახმარებას საჭიროებს". - ნათქვამია განცხადებაში.

ეგახსენებთ, რომ ბოლო დღეების განმავლობაში "ქართული ოცნების" ლიდერები მიზანმიმართულად ცდილობენ საქართველოში ევროპარლამენტარების დისკრედიტაციას, ასევე აღსანიშნავია მმართველი პარტიიდან წასული სამი დეპუტატის - ხუნდაძის, ყაველაშვილისა და სუბარის განცხადებები, რომელიც ასევე მიმართულია ევროინტეგრაციის დისკრედიტაციისკენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა