2022-06-30 13:08:06, 941 ნახვა

---

დეგნანი - რუსეთია, ვინც სცადა თქვენი ენის მოკვლა. ვინც წაბილწა თქვენი ეკლესიები და ისინი ცხოველთა სადგომად გამოიყენა

რუსეთია, ვისაც თქვენი ტერიტორიის 20% აქვს ოკუპირებული. რუსეთია, ვინც სცადა თქვენი ენის მოკვლა. რუსეთია, ვინც წაბილწა თქვენი ეკლესიები და ისინი საჯინიბოებად გამოიყენა,- აცხადებს ამერიკის ელჩი საქართველოში, კელი დეგნანი.

 მისივე თქმით, საქართველო ნატო-ს ძლიერი პარტნიორია და ეს კარგად წარმოჩინდა იმ დელეგაციის სიდიდით, რომელიც მადრიდში წარსდგა. რუსეთის მიერ გაჩაღებული არაპროვოცირებული ომის ფონზე, ეს იყო ალიანსის ერთიანობის დემონსტრირება.

'მინდა გავიმეორო რუსული დეზინფორმაციული წყაროების მიერ გავრცელებული ნარატივი, თითქოს ვინმეს საქართველოს ომში ჩართვა სურს, არ შეესაბამება სიმართლეს. ნება მომეცით გარკვევით ვთქვა აშშ-ს და ევროპას არ სურს ამ ომის  გაფართოება. აშშ აკეთებს ყველაფერს, რომ რაც შეიძლება მალე გააჩეროს ომი. პუტინია, ვინც ეს სასტიკი და აგრესიული ომი დაიწყო უკრაინის წინააღმდეგ და პუტინია, ვისაც მისი დასრულება შეუძლია.ვფიქრობ, ძალიან მნიშვნელოვანია, ქართველებს ახსოვდეთ, რომ რუსეთია, ვისაც თქვენი ტერიტორიის 20% აქვს ოკუპირებული. რუსეთია, ვინც სცადა თქვენი ენის მოკვლა. რუსეთია, ვინც შეურაცხყო ეკლესიები და ისინი ცხოველთა სადგომებად გამოიყენა. თუ რაიმე კითხვა არსებობს, რას ნიშნავს რუსეთის მეგობრობა საქართველოსთან, ერთადერთი, რაც უნდა გააკეთოთ, უნდა შეხედოთ ადმინისტრაციულ გამყოფ ზოლს.  საქართველო ნატო-ს ძლიერი პარტნიორია და ეს კარგად წარმოჩინდა იმ დელეგაციის სიდიდით, რომელიც მადრიდში წარსდგა. რუსეთის მიერ გაჩაღებული არაპროვოცირებული ომის ფონზე, ეს იყო ალიანსის ერთიანობის დემონსტრირება."- აცხადებს კელი დეგნანი.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი