ბიძინა ივანიშვილს არავითარი როლი და სტატუსი არ გააჩნია პოლიტიკაში,- აცხადებს პრემიერი ირაკლი ღარიბაშვილი დეოლიგარქიზაციის შესახებ საუბრისას.

მისივე თქმით, ივანიშვილი არ არის ოლიგარქი, რადგან მას  არ მიუღია შემოსავალი საქართველოში. 

"დეოლიგარქიზაციის შესახებ გვექნება კონსულტაციები ბრიუსელთან, უკრაინის მსგავსი კანონის მისაღებად. ჩვენს ქვეყანაში ეს არ არის გამოწვევა. ივანიშვილი არის ყველაზე დიდი მეცენატი, ქველმოქმედი. მან უცხო ქვეყნებში დაგროვებული სიმდიდრე საქართველოს მიუძღვნა. მთავარი ქველმოქმედება იყო ის, რომ ქვეყანას მოაშორა დესტრუქციული ძალები.  მან დაგვიტოვა თამასა მედიის თავისუფლების და ბიზნესგარემოს კუთხით. თუ ბიძინა ივანიშვილი არის დესტრუქციული ძალა, მაშინ ჩვენც მანდ ვართ. ივანიშვილი არ არის ოლიგარქი. ოლიგარქის განმარტება არის ის რომ იგი იზრდება სახელმწიფოს რესურსებით, ივანიშვილს არ მიუღია შემოსავალი საქართველოში. ის არის მეცენატი. ივანიშვილს არავითარი როლი და სტატუსი არ გააჩნია პოლიტიკაში. ოლიგარქობის ცდუნებები შესაძლოა ქონდეთ სხვა ინდივიდებს,"- აცხადებს ღარიბაშვილი.

ცნობისთვის,  ევროპულმა  პარლამენტმა მიიღო რეზოლუცია, რომელიც მხარს უჭერს უკრაინისა და მოლდოვისთვის ევროკავშირის კანდიდატის სტატუსის მინიჭებას. რაც შეეხება საქართველოს, გაცემულია იგივე რეკომენდაცია, თუმცა სტატუსის გადაცემა მოხდება მხოლოდ მაშინ, როცა საქართველოს მთავრობა დააკმაყოფილებს ევროპული კომისიის დასახულ პრიორიტეტებს, ერთ-ერთი კრიტერიუმი დეოლიგარქიზაციაა.რეზოლუციას მხარი 529 ევროპარლამენტარმა დაუჭირა, 45 კი წინააღმდეგი იყო. 14-მა თავი შეიკავა. საქართველოს მიერ გატარებული რეფორმების განმეორებითი შეფასება 6 თვეში მოხდება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია