უკრაინის უმაღლესმა რადამ მიიღო კანონი, რომელიც კრძალავს რუსული მუსიკის რეპროდუცირებას მედიასა და საჯარო სივრცეში, განაცხადა უკრაინელმა დეპუტატმა იაროსლავ ჟელეზნიაკმა. რადას ვებგვერდის მასალების მიხედვით, კანონის მიღებას მხარი 303-მა დეპუტატმა დაუჭირა.

კანონის ტექსტში ნათქვამია, რომ უკრაინაში აკრძალულია საჯაროდ შესრულება და ჩვენება „ფონოგრამები, ვიდეოგრამები და მუსიკალური ვიდეორგოლები“, თუ ეს არის უკრაინაში „აგრესორად“ გამოცხადებული ქვეყნის მოქალაქის ნამუშევარი.

ეს მოთხოვნა ვრცელდება იმ შემსრულებლების სიმღერებზე, რომლებსაც რუსეთის მოქალაქეობა აქვთ 1991 წლიდან. წესი არ ვრცელდება მათზე, ვინც უარი თქვა რუსეთის მოქალაქეობაზე და გახდა უკრაინის მოქალაქე.

ამავდროულად, რადამ მიიღო კანონი, რომელიც კრძალავს წიგნების და სხვა საგამომცემლო პროდუქციის იმპორტს და გავრცელებას რუსეთიდან, ბელორუსიიდან და უკრაინის ოკუპირებული ტერიტორიებიდან.

ავტორი: ექსპრესნიუსი,

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა