2022-05-27 22:42:28, 951 ნახვა

---

რატი ბრეგაძე დეკანოიძეს - თქვენ არ გაინტერესებთ პატიმრების მდგომარეობა, თქვენ გაინტერესებთ მხოლოდ და მხოლოდ ერთი ადამიანი

თქვენ არ გაინტერესებთ პატიმრების მდგომარეობა, თქვენ გაინტერესებთ მხოლოდ და მხოლოდ ერთი ადამიანი. - ამის შესახებ განაცხადა იუსტიციის მინისტრმა რატი ბრეგაძემ.
 
მისივე თქმით, ინტერპელაციის კითხვა დაისვა იმ ღონისძიებების შესახებ,  რომლებიც პენიტენციურ სამსახურში ტარდება  ბრალდებულთა/მსჯავრდებულთა უფლებების დაცვის კუთხით. თუმცა, კითხვის დაზუსტებისას დეპუტატი მხოლოდ მსჯავრდებულ მიხეილ სააკაშვილის მდგომარეობით დაინტერესდა.
 
„დღესდღეობით პენიტენციურ დაწესებულებებში გვაქვს 10525 სტანდარტის შესაბამისი ადგილი, სადაც განთავსებულია 9430 მსჯავრდებული. შესაბამისად, ყველა სტანდარტი არის დაცული... ახალი სტანდარტის, ჯანმრთელობის მდგომარეობაზე მორგებული 48 მენიუ შემუშავდა პატიმრებისთვის, განსაკუთრებული ყურადღება ეთმობა სანიტარიულ-ჰიგიენური პირობების დაცვას, ყველა დაწესებულებაში მოქმედებენ პირველადი ჯანდაცვის გუნდები და 2021 წელს სამოქალაქო კლინიკაში გადაყვანილ იქნა 5522 პატიმარი", - განაცხადა რატი ბრეგაძემ
 
 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი