უკრაინის პრეზიდენტმა ვოლადიმირ ზელენსკიმ ხელი მოაწერა კანონს, რომელიც აუმჯობესებს სანქციების ეფექტურობას ფიზიკური პირების აქტივებთან დაკავშირებით. აღნიშნულის შესახებ ინფორმაციას პრეზიდენტის პრესსამსახურზი ავრცელებს.

განცხადების მიხედვით, კანონი აწესებს სანქციების ახალ ტიპს, ფიზიკური ან იურიდიული პირის კუთვნილი აქტივების სახით, რომლებიც პირდაპირ ან ირიბად შეუძლიათ განკარგონ. აღნიშნული კანონი უმაღლესმა რადამ 12 მაისს მიიღო.

„სანქცირებული პირების აქტივების იდენტიფიცირებისა და კონფისკაციის პროცედურა, რომლებიც ამა თუ იმ გზით მხარს უჭერენ დამპყრობლების აგრესიას უკრაინის წინააღმდეგ, შესაძლებელს გახდის უკრაინის ბიუჯეტის სწრაფად და ეფექტურად შევსებას მტრების ხარჯზე. კანონი ითვალისწინებს მკაფიო მითითებებს. ამ პროცესზე კი შესაბამისი ორგანოებია პასუხისმგებელი“, - განაცხადა პრეზიდენტმა.

გარდა ამისა, მოსალოდნელია, რომ აღნიშნულ პროცესში იუსტიციის სამინისტროც  ჩაერთვება. ხოლო უზენაესი ანტიკორუფციული სასამართლო ადმინისტრაციულ წარმოებას სახელმწიფო შემოსავალში ქონების აღდგენის სახით განახორციელებს .

შეგახსენებთ, რომ 2021 წლის 21 აპრილს უმაღლესმა რადამ ამ კანონს მხარი დაუჭირა, მაგრამ პრეზიდენტმა ვოლოდიმირ ზელენსკიმ ის თავისი წინადადებებით დაუბრუნა პარლამენტს სხდომათა დარბაზში განსახილველად. შესწორებული კანონის მიღების შემდეგ კი მას ზელენსკიმ მოაწერა ხელი.

ავტორი: ექსპრესნიუსი,

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა