2022-05-02 12:50:15, 1786 ნახვა
ომი უკრაინაში
რუსეთის დუმის სპიკერი - ქვეყნების ლიდერები, რომლებიც უკრაინას სამხედრო იარაღით ამარაგებენ, ომის დამნაშავეები არიან
ქვეყნების ლიდერები, რომლებიც უკრაინას სამხედრო იარაღით ამარაგებენ, ომის დამნაშავეები არიან,- ეს განცხადება რუსეთის სახელმწიფო დუმის სპიკერმა, ვიასეჩლავ ვოლოდინმა გააკეთა.
მისი თქმით ევროპის არაერთი სახელმწიფოს ლიდერი, გერმანიის მეთაურობით, ხალხს დიდ კონფლიქტში ითრევს და მისი მხარე ხდება.
„ისინი დუმდნენ, როდესაც ზუსტად რვა წლის წინ ნაცისტებმა ოდესაში ცოცხლად დაწვეს მშვიდობიანი მოსახლეობა, არაფერი გააკეთეს დონბასის ხალხის დასაცავად. ახლა კი ყველაფერს აკეთებენ, რომ უკრაინაში სლავები დაიღუპონ“- ამტკიცებს დუმის ლიდერი.
ვოლოდინის განცხადებით, ქვეყნების ლიდერებმა, რომლებიც უკრაინას იარაღს აწვდიან, საკუთარი რეპუტაცია შელახეს.
ავტორი: ექსპრესნიუსი,
epn.ge (@expressnews.ge)
