რუსმა სამხედროებმა აზოვსტალის ქარხანაში მდებარე საველე ჰოსპიტალი დაბომბეს, არიან გარდაცვლილები და დაჭრილები  ამის შესახებ Telegram- ზე აზოვის პოლკის ჯარისკაცებმა განაცხადეს.

მათი თქმით,  სამხედრო ჰოსპიტალი მთელი ღამის განმავლობაში იბომბებოდა. თავდასხმის შედეგად ჰოსპიტალის საოპერაციო ნაწილი ჩამოინგრა.

„გაფრთხილება!!! მთელი ღამის განმავლობაში რუსებმა ჩამოაგდეს უამრავი საჰაერო ბომბი, რომლებსაც შეუძლიათ შეაღწიონ  ბეტონის თავდაცვით სტრუქტურებში. აქ მკურნალობენ დაჭრილი დამცველები. უკვე გაანადგურეს ადგილი და ნანგრევების უმოწყალოდ დაბომბვა საზღვაო არტილერიით განაგრძეს. მტრის თავდასხმის გამო შენობის ნაწილი ჩამოინგრა, კერძოდ საოპერაციო ოთახი, რაც შეუძლებელს ხდის ჩვენი ჯარისკაცების დახმარებას“, - ნათქვამია განცხადებაში.

მებრძოლებმა მოუწოდეს საერთაშორისო უფლებადამცველ ორგანიზაციებს  რეაგირება მოახდინონ იმ ფაქტზე, რომ რუსეთი მარიუპოლში მყოფი დაჭრილი ჯარისკაცების დაბომბვას აგრძელებს.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს