უკრაინაში ომის დაწყების შემდეგ, რუსეთმა თითქმის გააორმაგა წიაღისეული საწვავის შემოსავალი ევროკავშირის ქვეყნებისთვის. ამ გაყიდვების საერთო კლების პირობებშიც კი, ენერგიის ფასების ზრდამ, ფინური ენერგიისა და სუფთა ჰაერის კვლევის ცენტრის CREA-ს თანახმად, მოსკოვს დაახლოებით 62 მილიარდი ევრო მოუტანა.

რუსეთი აგრძელებს ევროპის ენერგეტიკული დამოკიდებულების კაპიტალიზაციას, მიუხედავად ევროკავშირის ლიდერების სასოწარკვეთილი მცდელობისა, რათა პუტინმა არ გამოიყენოს ენერგია პოლიტიკური და ეკონომიკური ზეწოლის ბერკეტად, ნათქვამია CREA-ს დასკვნებში - იუწყება ბრიტანულ გაზეთი Guardian.

ომის ორი თვის განმავლობაში ევროკავშირში რუსული ნავთობის, ქვანახშირისა და გაზის იმპორტმა დაახლოებით 44 მილიარდი ევრო შეადგინა. შედარებისთვის, მთელი გასული წლის განმავლობაში ეს თანხა 140 მილიარდი ევრო იყო, ანუ თვეში დაახლოებით 12 მილიარდი.

გერმანია რჩება მთავარ მყიდველად. მიუხედავად მისი ხელისუფლების ყველა დარწმუნებისა რუსეთზე დამოკიდებულების შემცირების აუცილებლობის შესახებ, ომის ორი თვის განმავლობაში მან 9 მილიარდი ევროს ღირებულების ენერგორესურსები შეიძინა.

სანქციებისა და საექსპორტო შეზღუდვების მიუხედავად, ფასების ზრდა უფრო მეტად ანაზღაურებს რუსეთს გაყიდვების დანაკარგს, ხოლო ახალი სანქციები, ფინური ცენტრის ექსპერტების აზრით, მხოლოდ ფასების კიდევ უფრო გაზრდას გვპირდება.

CREA-ს წამყვანი ანალიტიკოსის, ლაური მილივირტას თქმით, გაყიდვების შემოსავლები მხარს უჭერს პუტინის საომარ ძალისხმევას და მისი ომის მანქანის განმუხტვის ერთადერთი გზა იქნება წიაღისეული საწვავის სწრაფად და სრულად გაუქმება.

„წიაღისეული საწვავის ექსპორტი არის მთავარი ელემენტი პუტინის რეჟიმისა და მრავალი სხვა თაღლითი სახელმწიფოს მხარდასაჭერად“, - ამბობს ფინელი ანალიტიკოსი. ”ენერგეტიკული ექსპორტის გაგრძელება დიდი ხვრელია რუსეთის მიმართ დაწესებულ სანქციებში და ვინც მისგან საწვავს ყიდულობს, ხდება რუსი სამხედროების მიერ ჩადენილი საერთაშორისო სამართლის საშინელი დარღვევების თანამონაწილე. - აცხადებს ანალიტიკოსი.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა