საქართველოს ფინანსთა მინისტრი ლაშა ხუციშვილი სიტყვით გამოვიდა მსოფლიო ბანკის მიერ, ვირტუალურ ფორმატში გამართულ ფორუმზე, რომელიც ადამიანური კაპიტალის განვითარების საკითხებს მიეძღვნა.

ფორუმის მონაწილეებს ასევე მიმართა მსოფლიო ბანკის პრეზიდენტმა, დევიდ მალპასმა. 

სიტყვით გამოსვლისას, ფინანსთა მინისტრმა ხაზი გაუსვა ადამიანური კაპიტალის განვითარების მნიშვნელობას ქვეყნის გრძელვადიანი განვითარებისთვის, განსაკუთრებით კი, ახალი, ინოვაციური მიდგომების საჭიროებას ამ მიმართულებით.

როგორც ფინანსთა მინისტრმა აღნიშნა, ადამიანური კაპიტალის განვითარებისთვის, საქართველომ განახორციელა რეფორმები, როგორც დაწყებითი, ისე პროფესიული და უმაღლესი განათლების მიმართულებით, მნიშვნელოვანი თანხები მიიმართა სასკოლო ინფრასტრუქტურის განახლებასა და უნივერსიტეტების მოდერნიზებაში.

ამასთან, მისი თქმით, განათლებასთან ერთად, აქცენტი უნდა გაკეთდეს ჯანდაცვისა და სოციალური დაცვის სექტორებში დამატებითი ინვესტიციების მოძიებაზე. ამ კონტექსტში ფინანსთა მინისტრმა ყურადღება გაამახვილა მსოფლიო ბანკის მიერ, ადამიანური კაპიტალის პროექტისთვის 400 მლნ აშშ დოლარის ოდენობის ახალი ფინანსური რესურსის გამოყოფის მნიშვნელობაზე.

აღსანიშნავია, რომ ამ პროგრამისთვის მსოფლიო ბანკი პირველად იყენებს დაფინანსების „შედეგზე ორიენტირებული პროგრამის" ე.წ. PforR (Program for Results) ინსტრუმენტს. ჯანდაცვისა და სოციალური დაცვის მიმართულებით, ადამიანური კაპიტალის პროგრამა მნიშვნელოვან წვლილს შეიტანს მომსახურების მიწოდების ეფექტურობის გაზრდაში. განათლების სისტემის კუთხით, პროგრამის მიზანია მაღალი ხარისხის განათლებასთან ხელმისაწვდომობის ამაღლება.

სიტყვით გამოსვლისას, ფინანსთა მინისტრმა მსოფლიო ბანკს მადლობა გადაუხადა საქართველოს მხარდაჭერისთვის და აღნიშნა, რომ ადამიანური კაპიტალის განვითარება, მდგრადი და ინკლუზიური ეკონომიკური ზრდის ერთ-ერთი უმთავრესი წინაპირობაა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა