გვსურს, რომ რუსეთი იმდენად დასუსტდეს, რომ ვერ გააკეთოს ის, რაც გააკეთა უკრაინაში შეჭრის დროს,- ამის შესახებ აშშ-ს თავდაცვის მდივანმა ლოიდ ოსტინმა პოლონეთში გამართულ პრესკონფერენციაზე განაცხადა. 

მისივე თქმით, რუსეთის პრეზიდენტს ორი თვის წინ ჰქონდა ამბიციები, თუმცა აშშ გააკეთებს ყველაფერს, რომ "თავიდან აიცილონ ვლდიმერ პუტინის სურვილი, დაიმორჩილოს უკრაინა".

”მე ვიტყოდი, რომ ეს შეესაბამება ჩვენს თვალსაზრისს. ჩვენ ვაპირებთ ყველაფერს გავაკეთოთ იმისათვის, რომ თავიდან ავიცილოთ პრეზიდენტ პუტინის სურვილი, დაიმორჩილოს უკრაინა, დაიკავოს მისი ტერიტორიები. მთლიანობა და სუვერენიტეტი. ორი თვის წინ მას ჰქონდა ამბიციები, რომ გასცლოდა ამას“, - განაცხადა ლოიდ ოსტინმა

შეგახსენებთ, ვიზიტის შემდეგ პენტაგონის ხელმძღვანელმა ასევე განაცხადა, რომ აშშ თვლის, რომ უკრაინას შეუძლია მოიგოს ომი რუსეთის წინააღმდეგ, ამისთვის კი, საკმარისია მხოლოდ სწორი აღჭურვილობა და სწორი მხარდაჭერა.

აშშ-ს სახელმწიფო მდივანმა ენტონი ბლინკენმა და თავდაცვის მდივანმა ლოიდ ოსტინმა 24 აპრილს კიევში სამსაათიანი შეხვედრა გამართეს უკრაინის პრეზიდენტ ვოლოდიმირ ზელენსკისთან. ეს ამერიკელი ოფიციალური პირების პირველი ვიზიტია უკრაინაში რუსეთთან სრულმასშტაბიანი ომის დაწყების შემდეგ.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს