აჭარაში, ორთაბათუმის მოსახლეობასთან კოვიდ19-ის ვაქცინაციის შესახებ საინფორმაციო შეხვედრა გაიმართა, - ინფორმაციას აჭარის ჯანდაცვის სამინისტრო ავრცელებს. 

მათივე ცნობით, ადგილობრივების შეკითხვებს ექიმი ალერგოლოგ-იმუნოლოგი ბიძინა კულუმბეგოვი პასუხობდა. პარალელურად, გამსვლელი ბრიგადების საშუალებით, მსურველებს შესაძლენლობა ჰქონდათ ადგილზე ჩაეტარებინათ ვაქცინაცია.

"შეხვედრებს აჭარის ა.რ. ჯანმრთელობისა და სოციალური დაცვის მინისტრის მოადგილე, ზურაბ თენიეშვილი და ხელვაჩაურის მუნიციპალიტეტის წარმომადგენლები ესწრებოდნენ.

შეხვედრები პროექტის – „ვაქცინაციის საინფორმაციო კამპანია“ ფარგლებში გაიმართა. პროექტს მხარს უჭერს აჭარის ა/რ ჯანმრთელობისა და სოციალური დაცვის სამინისტრო და „საქართველოს ღია საზოგადოების ფონდი“. შეხვედრების ორგანიზატორია „ბათუმელებისა“ და „ნეტგაზეთის" მარკეტინგის სამსახური.

აღსანიშნავია, რომ კორონავირუსის ვაქცინაციის წახალისების პროგრამა მარტის თვეშიც გრძელდება.

200 ლარიან ერთჯერად დანამატს ავტომატურად მიიღებს 50 წლის და მეტი ასაკის ყველა ის მოქალაქე, ვინც 2022 წლის 31 მარტის ჩათვლით COVID-19-ის საწინააღმდეგო ვაქცინის პირველი დოზით აიცრება.

ამავე ასაკობრივი ჯგუფის პირები „ბუსტერ“ დოზით აცრის შემთხვევაში 100 ლარს მიიღებენ.

ვაქცინაციისთვის ვიზიტის დაჯავშნა შესაძლებელია ელექტრონულ პორტალზე - https://booking.moh.gov.ge/

აცრა შესაძლებელია წინასწარი რეგისტრაციის გარეშეც.

COVID 19-ის ვაქცინაციაზე რეგისტრაციასთან დაკავშირებული კონსულტაციის მისაღებად შეგიძლიათ დარეკოთ ნომერზე: 144 და 15 22", - ვკითხულობთ ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინამ შავ ზღვაზე რუსეთის უდიდეს ნავთობტერმინალს და ვოლგოგრადის რეგიონში ნავთობის სადგურს დაარტყა

სახელმწიფო უსაფრთხოების გაძლიერების მიზნით შსს-მ კანონპროექტი მოამზადა

ნაცნობ მამაკაცს რამდენჯერმე ესროლა - ბათუმში განზრახ მკვლელობის ბრალდებით კაცი დააკავეს

სტამბოლში დღეს საქართველოს, თურქეთისა და აზერბაიჯანის საგარეო საქმეთა მინისტრების რიგით მეათე შეხვედრა გაიმართება