2022-02-18 14:13:15, 807 ნახვა

---

იაგო ხვიჩია - თუ ბადრი ჯაფარიძე დროს „მარშალის გეგმაზე” არ დახარჯავს და არ აჰყვება „ნაცმოძრაობას” გამარჯვების შანსი აქვს

პარტია "გირჩის" თავმჯდომარე იაგო ხვიჩია აცხადებს, რომ ბადრი ჯაფარიძეს რუსთავს საარჩევნო ოლქში გამარჯვების შანსი ექნება, თუ  ის დროს „მარშალის გეგმაზე” არ დახარჯავს და  „ნაცმოძრაობას” არ აჰყვება.

ამასთან, ხვიჩიას განცხადებით, ჯფარიძემ ხაზი იმ უსამართლობას უნდა გაუსვას, რაც მის პარლამენტიდან გაშვებას უკავშირდება.

„დრო არ უნდა დახარჯოს „მარშალის გეგმაზე“ და სხვა უცნაურ რაღაცებზე, ან „ნაციონალურ მოძრაობაზე“ აყოლაზე. ხალხის დაინტერესება რითაც შეიძლება, ეს არის უსამართლობის ჩვენება. თუ ეს გამოუვა, მგონი, დეპუტატობის შანსი აქვს. „ნაცმოძრაობის“ მხარდაჭერების გარეშე შუალედური არჩევნების მოგება გაუჭირდება, მაგრამ იმისთვის, რომ სხვა მხარდამჭერებიც მოიპოვოს, ხაზი მის ერთობას კი არ უნდა გაუსვას, არამედ იმ უსამართლობას, რაც პარლამენტიდან მის გაშვებას უკავშირდება“, - განაცხადა იაგო ხვიჩიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი