2022-02-08 11:34:42, 832 ნახვა
პოლიტიკა
„ნაცმოძრაობა” ორ ლოკაციაზე საპროტესტო აქციას მართავს და ეკონომიკის მინისტრის გადადგომას ითხოვს
გადასახადებს ვიხდით ჩინოვნიკების ჯიბეში"; "ხელისუფლება აღარიბებს"; "გადამგდები მთავრობა". - ამ წუთებში "ნაციონალური მოძრაობა" სემეკთან და იუსტიციის სახლთან საპროტესტო აქციას მართავს.
როგორც ენმ-ს წევრი ლევან ხაბეიშვილი აცხადებს, მათი მოთხოვნა იანვრის თვის გადასახადის კორექტირება, კომუნალური გადასახადების ტარიფის დაწევა და ეკონომიკის მინისტრის ნათია თურნავას გადადგომაა, რომელიც მისი თქმით, ამ ყველაფერზე პასუხისმგებელი პირია.
ამასთან ხაბეიშვილი მოქალაქეებს მოუწოდებს, გაასაჩივრონ გაორმაგებული გადასახადები, რაშიც საჭიროების შემთხვევაში "ნაციონალური მოძრაობა" დაეხმარებათ.
ადგილზე სამართალდამცავები არიან მობილიზებული.
ფოტო: მთავარი არხი
ავტორი: ექსპრესნიუსი,
epn.ge (@expressnews.ge)
