2022-02-05 10:15:32, 1123 ნახვა
სამართალი
დავით კირკიტაძის სასამართლო პროცესი დღეს, რუსთავის სასამართლოში გაიმართება
„ნაციონალური მოძრაობის“ წევრის, დავით კირკიტაძის სასამართლო პროცესი დღეს, 12:00 საათზე რუსთავის სასამართლოში გაიმართება. ამის შესახებ დეპუტატმა სოციალურ ქსელში დაწერა.
ცნობისთვის, საქართველოს პროკურატურამ რუსთავში, „ერთიანი ნაციონალური მოძრაობის“ ოფისთან მომხდარ დაპირისპირებაში მონაწილე პირების, მათ შორის, პარლამენტის წევრის დავით კირკიტაძის მიმართ სისხლისსამართლებრივი დევნა დაიწყო.
დავით კირკიტაძეს ბრალი საქართველოს სისხლის სამართლის კოდექსის 126-ე მუხლის პირველი პრიმა ნაწილის „გ“ ქვეპუნქტით აქვს წარდგენილი, რაც ძალადობას გულისხმობს, რამაც დაზარალებულის ფიზიკური ტკივილი გამოიწვია.
ავტორი: ექსპრესნიუსი,
epn.ge (@expressnews.ge)
