2022-01-25 18:57:24, 732 ნახვა
პოლიტიკა
გია ვოლსკი პოლიციელების მხრიდან შშმ პირის ცემის ფაქტზე - განზრახ ჩადენის ეჭვსაც ბადებს
სრულიად შეუსაბამოა დღევანდელი პოლიციის ხასიათთან, რომ განზრახ ჩადენის ეჭვსაც ბადებს, - ასე ეხმაურება პარლამენტის პირველი ვიცე-სპიკერი, გია ვოლსკი პოლიციელის მხრიდან არასრულწლოვან, შშმ პირზე ძალადობის ფაქტს.
"ესაა სექტა, რომელიც მხარს უჭერდა სახელმწიფო პოლიტიკის რანგში აყვანილ და გამოცხადებულ სადიზმს, რამაც შეიწირა სანდრო გირგვლიანი, ბუტა რობაქიძე, გიორგი გამცემლიძე, ის აჭარელი ბიჭები და არაერთი სხვა, სია გრძელია! პროტესტის პათოსი იმდენად ყალბია, ხოლო დანაშაული იმდენად თვალსაჩინო და სრულიად შეუსაბამოა დღევანდელი პოლიციის ხასიათთან, რომ განზრახ ჩადენის ეჭვსაც ბადებს", - წერს ვოლსკი სოციალურ ქსელში.
ავტორი: ექსპრესნიუსი,
epn.ge (@expressnews.ge)
